Amanesoma Luk Aa Chwera Tɔn 22:26 - mzwDBL

²⁶ He te ne ɡɛ waa la jaŋne. He bini nomoa la, ó ɛ o te kɛ bechala, ásɛ onɔ la waa dɛɛ nyiŋi he nɛɛ la ɡe ɛ o te kɛŋɔ nɛn waa dɛ di somanjiri.

Amanesoma Luk Aa Chwera Tɔn 22:26 ပူးပေါင်းရင်းမြစ်များ

Matiu 20:26

Kɛ ɡɛ laa chɛ kɛŋɔ hé te do. He bini bɛl dɛ nyin kɛ ó ɛ nomoa aa, a chɛ kɛ ó kpɔ o te ɛ kɛ bechala dɛɛ tomɛ heya.

Amanesoma Mak Aa Chwera Tɔn 10:43

Kɛ ɡɛ laa chɛ kɛŋɔ á do he te be. Dɛ he bini bɛl dɛ nyin ó ɛ he bwa nomoa aa, a chɛ kɛŋɔ ó kpɔ o te ɛ bechala dɛɛ tomɛ heya.

Amanesoma Mak Aa Chwera Tɔn 9:35

Asɛ Yeesu so harɛ dɛ yer ba dɛ ŋɔ ba be ŋɔ, “Naate waa dɛ nyin kɛ o ɛ he bwa nomoa la, a chɛ kɛŋɔ ó ɛ o te bechala dɛɛ tomɛ heya.”

Amanesoma Luk Aa Chwera Tɔn 9:48

dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

1 Pita 5:3

He bɛ kpeɡri dɛɛ di nɛra baa kpɔ ba do he nɔn ta la nɛ. Hé ɡel he we-ɛɛla do wer ásɛ ba nyiŋa dɛɛ chaara.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”