Amanesoma Luk Aa Chwera Tɔn 22:22 - mzwDBL

²² Gɛ Korowii aa baɡla la taa aa ba cheɡa Men Nɛn Bie la sewɛ, kɛ naate waa lee mɛ tɛ ba kpo mɛ la, ó bwɛɛlɛ.”

Amanesoma Luk Aa Chwera Tɔn 22:22 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Matiu 26:24

Men Nɛn Bie nɔ ɛɛ sewɔɔ ɡɛ Korowii Tɔn aa dɛ baɡle la, kɛ naate waa lee mɛ tɛ bá kpo la, bwɛɛlɛ. Dɛ ba fe ta naate lolɛ ɡba fe bɔ!”

Matiu 27:5

Anee Judas kpɔ suuɡapoŋa la viɡri Korowii Dea bela, asɛ dɛ ka saɡɛ o te.

Amanesoma Mak Aa Chwera Tɔn 14:21

Men Nɛn Bie la ɛɛ sewɔɔ ɡɛ Korowii Tɔn aa baɡla kɛŋɔ mɛɛ ɛo la. Kɛ naate waa yoɡ mɛ tɛ bá kpo mɛ la, ó bwɛɛlɛ! Ba fe ta on lolɛ kwaraa fe bɔ!”

Amanesoma Luk Aa Chwera Tɔn 22:23

Ate, dɛ ba dɛ bɔɔ dɔŋa ŋɔ, “Ya bini umee su baah dɛɛ ba ó ɛ ɡɛ waa nɔ nɔɔ?”

Amanesoma Luk Aa Chwera Tɔn 24:46

Dɛ berɛ ŋɔ ba be ŋɔ, “Ba chwerɔ ŋɔ Kristo la chɛ kɛŋɔ ó na wahala nɛra nɔn ta bá kpoo, ásɛ o seo habɔɔ tɔpera atoro la, ó ir seo ta,

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

1 Pita 1:11

Dɛ Kristo Doma soɡe ba nɛɛ dɛɛ baɡle wahala Kristo aa dɛ ba nae, dɛ baɡle jirima aa dɛ ba bala wahala la habɔɔ. Ba takapɔ kɛŋɔ bá fee won jemɛ tɔpere aa dɛ ba chiɡa, ne ɡɛ aa dɛ ba ɛɛ.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.