Amanesoma Luk Aa Chwera Tɔn 22:18 - mzwDBL

¹⁸ Waa ŋɔ ɡɛ la, o ŋɔ ba be ŋɔ, “Fini habɔɔ, maa sen nɔ anee nyɔ kpa ka tel ɡɛ saŋ Korowii aa ba di kora.”

Amanesoma Luk Aa Chwera Tɔn 22:18 ပူးပေါင်းရင်းမြစ်များ

Matiu 26:29

Kasinteŋ, maa sen nɔ anee nyɔ kpa bwa ka tel ɡɛ saŋ n ne haa berɛ ba nyɔ anfala n Mɛɛ Kora la ta.”

Amanesoma Luk Aa Chwera Tɔn 22:16

N ɡelɔ hɛɛ no kɛŋɔ maa a ɡɛ kondikwaa nɔ anee di kpa, nemenɛ waa Galekaa nɔ aa cheɡa tɛ la aa ɛa Korowii Kora la ta.”

Amanesoma Mak Aa Chwera Tɔn 14:25

Kasinteŋ, maa a ɡɛ sen nɔ anee nyɔ kpa bwa, nemenɛ kɛŋɔ awola maa ba nyɔ anfala Korowii Kora la ta.”

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

Amanesoma Luk Aa Chwera Tɔn 21:31

Gɛɛ dɛ waa nɔ maa bol he be nɔ baa chiɡ aa, hé jemɛ kɛŋɔ Korowii Kora la dii telo.

Amanesoma Luk Aa Chwera Tɔn 9:27

Kasinteŋ, Korowii ɛɛ ba di o Kora harɛ nɔ taa, dɛ he bini bane ta soɡe le dɛ nao.”

Amanesoma Mak Aa Chwera Tɔn 15:23

Asɛ ba kpɔ korobo aa wona dɛɛ sɔɔh bwadabii wee nyoa do sen ta dɛ kpɔ tɛ Yeesu ŋɔ ó nyɔ, asɛ o vɛh nyɔe.

Amanesoma Mak Aa Chwera Tɔn 14:23

Asɛ o berɛ kpɔ numol ne sen ɡe dɛ jam Korowii dɛ kpɔ tɛɛ ba, asɛ ba nyɔ ka tɛ dɔŋa.

Amanesoma Mak Aa Chwera Tɔn 9:1

Asɛ Yeesu ŋɔ, “Kasinteŋ, Korowii ɛɛ ba di o Koraa kpeɡri nɛɛ harɛ nɔ ta, dɛ he bini bane ta soɡe le dɛ nao.”

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Yela 104:15

dɛ́ dɔ sen nyɔ ba sie lɛ, ne noo baa kpɔ fɔɡle ba siebɔra á do wer, dɛ kondikwa aa tɛɛ ba bokpeɡa ɡe.

Sitɔɔla 9:13

O ɡe ŋɔ, ‘Maa won ɡel sen maa dɛ tɛ nɛra ne voɡa baa dɔ silɛɛ nɔ, dɛ́ ba di kora he nɛ.’