Amanesoma Luk Aa Chwera Tɔn 21:34 - mzwDBL

³⁴ Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Luk Aa Chwera Tɔn 21:34 ပူးပေါင်းရင်းမြစ်များ

Mumpar 19:32

Anomanta, ɡel ya tɛ n mɛɛ sen o nyɔ dɛɛ, ásɛ ya ne o chɔ dɛ́ lolɛ bii ya mun bɛ he.

Mumpar 19:35

Anomanta, awola jwaana la, ba tɛo sen o nyɔ dɛɛ ja, asɛ o bihahbechala la ɡe ir o ne o ka chɔ. Dɛɛra kohona nomanta, o ta o ne o bihaah la chɔe ne o ira saŋ bɛlbwa nae.

Mumpar 27:14

Ate, o la ka lawɛ boohna la ba tɛ o nya, asɛ o kpɔ ɛ kondikwaa aa do som ɡɛ o mɛɛ aa dɛ nyin.

Yela 35:8

Gel ba ne jara, dɛ wenaale ba ba nɛ, dɛ́ ɡel ba ɡbaɡba bel la laɡ ba, ba lee bɔluŋ la bini dɛ́ serewe.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.

Sɛɡla 23:20

Bɛ sennyɔɔra nɛɛ ja, he ne banɔ la baa dɛ di kondikombala la bɛ pɛ.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Hosia 4:11

Sembena ne anfala nyɔe chɔɡ n nɛra liire baa waa mun no.

Lewi Dea Tena 10:9

“He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Amanesoma Mak Aa Chwera Tɔn 13:9

Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba.

Amanesoma Mak Aa Chwera Tɔn 4:19

dɛkalkɛ ba no Korowii Waa la, kɛ dɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ Waa la ɛɛ dɔ tɔnɔ.

Amanesoma Luk Aa Chwera Tɔn 10:41

Anee Yeesu chaŋo ŋɔ, “Ei, Maata! Wedamanta beɡre he sie, a lɛ he liire bwa. Kɛ webeŋkpoŋ ɡee hiaah.

Amanesoma Luk Aa Chwera Tɔn 12:40

Gɛɛ chɛ kɛŋɔ hé ɡe kpɔ he te, dɛ́ so kpa, dɛkalkɛ piɡraa Men Nɛn Bie la ɛɛ ba ba piɡri heya.”

Amanesoma Luk Aa Chwera Tɔn 17:3

Anomanta, hé nyiŋi he te kɛrɛdɛ! Dɛ he dɔŋ ɛɛ wechɔɡa aa, ŋɔ o be. Dɛ o no a mun dɛ charɛ o liire aa, kpɔ o wechɔɡa kɛo.

Amanesoma Luk Aa Chwera Tɔn 21:35

dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa.

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Amanesoma Luk Aa Chwera Tɔn 8:14

Asɛ anɔ la ɡe aa lee sɔɔhne baah, sɔɔhne la lawa a sewɛ la ɡee nɛra baa no Korowii Waa la, asɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ waa la ɛɛ dɔ tɔnɔ la.

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

Galaasia 5:20

ne voɡa toma, dɛ sɔm wa. A bini anee kɛŋɔ nɛra ne ba dɔŋa aa dɛ di dɔm dɛɛ yo, ne bɔweela kohona, ne bandisale ne sibeɡra, ne nɛra ne ba bala baah peɡra, dɛ nyopɛo bɛ dɔe,

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

1 Samoɛl 25:36

Abiɡel aa la Nabal be la, dɛ o lɔ o dem dɛɛ di kondikonjena dɛɛ lɛ o sie kɛŋɔ kooro ken. Dɛ o dɛɛrɔ o sie lɛ kɛrɛdɛ. Anomanta, o ta wobɛlbwa o be bolɛ ka tel kɛ tɔ aa pera chɔɔ.