Amanesoma Luk Aa Chwera Tɔn 21:16 - mzwDBL

¹⁶ He mɛɛnanar ne nyare, ne he dɔɔranar ne nimanar, ne he lolanar dɛ daamanar ɛɛ le heyaa tɛ ásɛ ba kpoo he bane.

Amanesoma Luk Aa Chwera Tɔn 21:16 ပူးပေါင်းရင်းမြစ်များ

Jeremia 12:6

He dɔɔranar ne nimanar, dɛ he ɡbabir lolanar lee tɛ, ba taa cheɡɛ chiŋ baa mooli. A lole kɛŋɔ he ne ba bol waa dɛɛ mamɛ, kɛ dɛɛ berɛ ba yaradae.”

Jeremia 9:4

Hɛ́ɛ nyiŋi he daamanar kɛrɛdɛ, dɛɛ berɛ he hwɛɡa kpɔe do he lolanar nɛ, dɛkalkɛ ba bɛlbwa ɛ nyosonteŋni, asɛ daamanar ɡe ɛɛ chɔɡ dɔŋa.

Matiu 10:21

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Amanesoma Mak Aa Chwera Tɔn 13:12

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Amanesoma Luk Aa Chwera Tɔn 12:53

Mɛɛnanar dɛ ba ba bibaala haeh, ásɛ bibaala ɡe hah ba mɛɛnanar. Nyare ɛɛ hah ba bihaahnaa, ásɛ bihaahna hah ba nyare. Haahna ɛɛ hah ba bii haahnaa, ásɛ ba bii haahna hah ba.”

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Amanesoma Luk Aa Chwera Tɔn 21:17

Nomɛlbwa ɛɛ koh n waa hah heya.

We-ɛɛla 12:2

O ɡelɔ ba teŋe Jɔn dɔɔ Jems nyu.

We-ɛɛla 7:59

Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Wepila 6:9

Asɛ Pebie la swe kwaa baa kpɔa marɛ tɔn nuete la. Waa sweo la, n nyiŋi Korowii Dea bela baa dɛ ɛ saraha dɛɛ tɛ Korowii la harɛbɔr, dɛ na lala baa koh Korowii Waa la wa, ne cheɡa baa cheɡa tɛo waa dɛ kpoo ba la.