Amanesoma Luk Aa Chwera Tɔn 20:9 - mzwDBL

⁹ Yeesu kpɔ sɛɡla bol waa baɡle nɛra la, dɛ ŋɔ, “Baa bɛlee fa lole dɛɛ parɛ daa ane baa kpɔ a nɔna dɛɛ daa sen. O kpɔ nɛra baa ɛ koo la toma, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta dɛɛ tɛo, dɛ kaa harɛ bɛl ta, dɛ ka biɡri.

Amanesoma Luk Aa Chwera Tɔn 20:9 ပူးပေါင်းရင်းမြစ်များ

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Matiu 25:14

Yeesu berɔ ŋɔ, “Awola Men Nɛn Bie la aa ba la, kenii Korowii Kora la ɛɛ ba doe. Baa bɛlee ira dɛɛ ba o ŋwɛnɛ bɛl kaala, dɛ yerɛ o bonɔɔna dɛ kpɔ o suuɡa bwa do ba nɔn ta.

Amanesoma Luk Aa Chwera Tɔn 19:12

O ŋɔ, “Koobie bɛlee fa lole dɛɛ ba bojaŋ bwɛɛ bɛl ta kaala bá ka cheɡo kora, ásɛ o ba dɛ́ ba ɛ kooro.

Amanesoma Luk Aa Chwera Tɔn 20:10

Kwaa la koma saŋ aa baa tel la, o tomɛ o bonɔɔ bɛl ŋɔ ó ka lɛ o dibɔr ba tɛo. Belaa nɛra la lɔɔ bonɔɔ la dɛ doŋu, ba ta on komɛlbwa tɛɛ o kaa.

Amanesoma Luk Aa Chwera Tɔn 20:8

Asɛ Yeesu ŋɔ, “N ɡe aa kpeɡri maa dɔa dɛ kpɔ dɛɛ ɛ waa nɔ leebɔree baɡle he be.”

Mmarare 16:18

Anee Mosis berɛ ŋɔ, “Bwɛɛ bɛlbwa Korowii aa ka kpɔ heyaa so o ta la, hé le nomonome ne nɛra báa nyiŋi he waa ta dɛ́ɛ bola kasinteŋ ne.