Amanesoma Luk Aa Chwera Tɔn 20:47 - mzwDBL

⁴⁷ Ba sie beɡre kwa, dɛ yon kpɔ Korowii soŋa wobojaŋa ne tɔ sie dɛɛ kam kwaa luhaahna deremi. Korowii ɛɛ tɛr ba deŋnee taeh.”

Amanesoma Luk Aa Chwera Tɔn 20:47 ပူးပေါင်းရင်းမြစ်များ

Aesaya 10:2

Ba laa nyaara waa sie dɛɛ berɛ, dɛ laa nɛra baa lɔ wahala ta waa dɛɛ ɡole, dɛ lɛ luhaahna kwaa dɛɛ le ba be, dɛ berɛ dɛɛ kah bilalbii ɡe kwa.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Emɔs 2:7

Ba tiɡri nyaara dɛɛ do harɛ kɛŋɔ teera ken, dɛ vɛh nɛra baa dɛ fiɡ ba waa bola dɛ tɛɛ ba aŋwɛnɛ ta. Mɛɛ ne o bie bwa pɛ hahbeŋkpoŋ, dɛ kpɔ doŋa kah men Korowii sɔn waa do ɡoroŋ la.

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Maeka 2:8

Korowii ŋɔ, “A ta biɡre n nɛra ɛ deŋnekpeɡ n nɛɛ kɛŋɔ n dɔma. Hé lɛ laaladɛɛɡa le nɛra baa teŋa baa kaa, wobɛlbwa aa wola ban hiaih be, ba do kɛ baala baa le laa ta dɛɛ ba ken.

Maeka 3:2

he hah waa aa wera dɛɛ nyin wechɔɡa, he dɛ pee n nɛra ola ne ba bɔtɔne kɛŋɔ kpɔɡ bini olchɔɡa.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Matiu 23:14

He tɔ Korowii Kora la ŋwɛnɛ. Heyaa nɔɔ haa jo, he ɡe aa ŋwɛnɛɛ tɛ ásɛ banɔ la baa dɛ nyin bɔr dɛ́ jo la dɔ bɔr.

Amanesoma Mak Aa Chwera Tɔn 12:40

Ba sie beɡre kwa, dɛɛ kam kwaa luhaahna deremi, dɛ berɛ saah dɛɛ soŋe Korowii wobojaŋa ne nɛra sie ta. Ba kembɔr ɛɛ do kanee taeh!”

Amanesoma Luk Aa Chwera Tɔn 12:1

Aa ɛ tama la, nɛra kaɡboŋa baa cheme Yeesu sie. Baa wara nomanta, dɛ ba dɛ tiɡri dɔŋa nakpale ta. Belaa Yeesu tɔ sie bol waa o habɔteŋra la be dɛ sɛɡ ba ŋɔ, “Hé nyiŋi he te kɛrɛdɛ Farisii tena iisi wa. Nɛra sie baa nyiŋi dɛɛ ɛ wa.

Amanesoma Luk Aa Chwera Tɔn 20:46

“Hɛ́ɛ nyiŋi Tɔnjerema la kɛrɛdɛ. Ban yon do laalajena ásɛ nɛra bwa na ba dɛɛ ɡuŋ ba harɛ yawa ta la. Ba dɛ nyin nomombɔra soɡa cheremi deene ne bela nɛra aa chema dɛɛ di tɔpejena.

Amanesoma Luk Aa Chwera Tɔn 21:1

Yeesu aa lɔ Korowii Dea la, o nao kɛŋɔ dɔɔhna ta ba suuɡare dɛɛ do daka baa ta suuɡa dɛɛ do o bini.

1 Tesalonika 2:5

Gɛ haa jema la, he kpɛɛra waa laa ya koh ba he be. Ya ta balɛ dɛ ba bol waa dɛ neɡre heyaa dɛ lɛ kwaane ɡe. Korowii ɡboo jema.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Jems 3:1

Yabala, he bwa laa chɛ kɛ he ɡel he sie beɡre Korowii waa baɡla ta, dɛkalkɛ ɡɛ haa jema la, ya nɛra yaa dɛ baɡle Korowii waa la waa binii wɛɛ ba nyiŋa kɛrɛdɛ ɡwaa nɛra baa kaa la.