Amanesoma Luk Aa Chwera Tɔn 20:36 - mzwDBL

³⁶ Baa sewɛ kpa bwa. Baa doo kɛŋɔ nyundua toroma, dɛ ɛ Korowii bii, dɛkalkɛŋɔ ba iro le seo ta.

Amanesoma Luk Aa Chwera Tɔn 20:36 ပူးပေါင်းရင်းမြစ်များ

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Sekaria 3:7

Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.

Matiu 22:30

Dɛ nɛra baa sewa la berɔ iraa, baala aa haahnaa mo, haahna ɡe aa yalɛ. Baa soo kɛŋɔ nyundua toroma ken.

Amanesoma Mak Aa Chwera Tɔn 12:25

Nɛra baa ir seo ta naa, baa soo kɛŋɔ nyundua toroma, dɛkalkɛŋɔ baa haahna moe ba, baa jaranar ɡe yala ba.

Tɔn Pɔɔl Aa Chwerɛ Rom Tena 8:16

Korowii Domadɛɛɡee yon ɡel ya jemɛ ya bambile bini kɛŋɔ Korowii biirii yaa.

1 Kɔrent 15:26

Dɛ o baa pɔ ba bwa nɛɛ tonaa, o dɔm muŋkaa waa pɔ o nɛɛ laanee seo.

1 Kɔrent 15:42

Gɛɛ nɛra seo ta ira ɛɛ ba doe. Bwadabii yaa dɔa nɔ, dɛ ya baa serewe aa, o bwa ɛɛ chɔɡoo, kɛ bwadabii yaa dɔ dɛ ir seo ta la, o te aa chɔɡ bwa.

1 Kɔrent 15:49

Gɛ yaa le onɔ la waa le harɛ nɔ ta la, ɡɛɛ yaa ba onɔ la waa le nyundua la ɡe lee.

Felepae 3:21

Dɛ o balaa, wɛɛ beɡre ya bwadabisale aa won pɔeh nɔɔ á do wer kɛŋɔ o ɡbaɡba bwadabii aa do wer kohona ɡɛ la. O kpeɡri taa wɛɛ ba ɡɛ ɛɛ. O dɔ kpeɡri kɛŋɔ o won ɡel komɛlbwa no o be.

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 22:9

asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”