Amanesoma Luk Aa Chwera Tɔn 20:16 - mzwDBL

¹⁶ Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.” Nɛra la aa no ɡɛ la, ba ŋɔ, “Korowii ɛɛ la a ne bojaŋ!”

Amanesoma Luk Aa Chwera Tɔn 20:16 ပူးပေါင်းရင်းမြစ်များ

Matiu 21:34

Nɔna la koma aa tela la, o tomɛ o bonɔɔna ŋɔ bá la nɛra la aa dɛ nyiŋi koo la ta la be, dɛ́ ka lɛ o dibɔr ba tɛo.

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Amanesoma Mak Aa Chwera Tɔn 12:9

Asɛ Yeesu bɔɔ ba ŋɔ, “Ɛrɛɛ hɛɛ lii kɛŋɔ a ɡɛ koo te nɔ ɛɛ ɛɔ wɔ? Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Luk Aa Chwera Tɔn 20:15

Anee ba lawɛ bie la dɛ kpoo dɛ kpɔɔ viɡri koo la baŋ.” Asɛ Yeesu bɔɔ ba ŋɔ, “Ɛrɛɛ hɛɛ lii kɛŋɔ a ɡɛ koote nɔ ɛɛ ɛɔ wɔ?

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

Tɔn Pɔɔl Aa Chwerɛ Rom Tena 11:1

N dɛ bɔɔ heyaa ŋɔ, Korowii vɛh o nɛra Israel tena kɛɛ? Akai! N ɡbabir nɔ, Israel tee men. N ɛ Abraham naa dɛ le Bɛnjamen dea.

Tɔn Pɔɔl Aa Chwerɛ Rom Tena 11:11

Mɛɛ bɔɔ webeŋkpoŋii ja. Israel tena aa lɔ naa dɛ chole la, ba denɔ chole baa wola won ir kpa aa? Akai! Baa iruu, kɛ ba wechɔɡa la taa a che Korowii lɛɛ waa lɛ nɛwɛnyina la maa nɛra baa wola Israel tena ɛɛ, ásɛ Israel tena na ba bwara wee ba.

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Tɔn Pɔɔl Aa Chwerɛ Rom Tena 3:6

Kɛ ɡɛ laa a do. Dɛ Korowii waa ta toɡraa, ɛrɛɛ wɛɛ ba ɛɛ dɛ te won bol nɛwɛnyini waa dɛ́ pa bole ɔ?

Tɔn Pɔɔl Aa Chwerɛ Rom Tena 6:15

Yaa lɔ Korowii suna waa sune ya nɛɛ lɔɡa yaa wola toole Mmara lɔɡa nɔ, a chɛ kɛ yaa ɛ wechɔɡa kɛɛ? Akai!

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Tɔn Pɔɔl Aa Chwerɛ Rom Tena 7:13

Aah dɛ kon waa wera nɔ, o taa a berɛ che mɛɛ ba seo dɔe yaa? O ta laa. Liichɔɡaa cheɡɛ kon waa wera ta dɛ ɡel n dɔ seo, dɛ baɡle o dor ásɛ n jemɔ kɛrɛdɛ. Mmara la taa a che asɛ ya jemɛ kɛŋɔ liichɔɡa doŋo, aa wola were kwaraa.

Tɔn Pɔɔl Aa Chwerɛ Rom Tena 7:7

Aa do ɡɛ nɔ, dɛ Mmara la aa were kɛɛ? O wer, kɛ on ɡela n jemɛ kɛŋɔ komɛl lole baa yerɔ wechɔɡa. Dɛ Mmara la fe ta ŋɔe ŋɔ nɛwɛnyini bɛ ɡel o sie beɡre o dɔŋ kon aa, n fe aa jemɛ kɛŋɔ sibeɡra aa were.

Tɔn Pɔɔl Aa Chwerɛ Rom Tena 9:14

Amɔ yaa wonoo ŋɔ Korowii waa ta toɡrɛ kɛɛ? O waa toɡrɔ.

1 Kɔrent 6:15

Haa jemɛ kɛŋɔ he bwadabii ɛ Yeesu Kristo bwadabii pera kɛɛ? Dɛ ɡɛɛ a do te naa, amɔ a chɛ kɛŋɔ ń kpɔ n bwadabii waa ɛ Yeesu bwadabii pera la ka bɔ jwamane aa? Akai! He bɛ ɡel a ba ɡɛ.

Galaasia 2:17

Yaa dɛ nyin ya che Yeesu Kristo nɛɛ dɛ́ ɛ nɛndɛɛɡa ya waa su Korowii siwi la, an ɡela ya vɛh Mmara ta teŋa dɛ berɛ wechɔɡ-ɛɛra la. Dɛ a do ɡɛ naa, dɛ Yeesu Kristoo dɛɛ cha dɛ ɡel wechɔɡa ɛɛ won dɛɛ kaa sie naa? Akai!

Galaasia 3:21

Amɔ dɛ Mosis Mmara nɔ ne nyoo Korowii aa baɡɛ yaa la aa jo kɛɛ? A dɛ jo. Dɛ nɛwɛnyini fe dɔ mmara bɛl waa dɛ ba wona toɡre nɛra ásɛ ba dɔ ba nyu aa, ate nomɛlbwa waa dɛ teŋɛ ɡɛ mmara la ta la, o waa fe ɛɛ su Korowii siwii kɛŋɔ o ɛ nɛndɛɛɡe.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.