Amanesoma Luk Aa Chwera Tɔn 2:40 - mzwDBL

⁴⁰ Yeesu kpeɡo, dɛ do kpeɡri, dɛ dɔ liire, asɛ Korowii chao wɛɛ ɛ wedɛɛɡa.

Amanesoma Luk Aa Chwera Tɔn 2:40 ပူးပေါင်းရင်းမြစ်များ

Yela 22:9

Hen Korowiirii ɡela ba lol mɛ, n taa ɛ bechasɔɔhna dɛɛ ɔr la, he nyiŋi n nɛ, dɛ tɛ mɛ bosɔɔhna.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Amanesoma Luk Aa Chwera Tɔn 1:80

Kenii a do asɛ Jɔn kpeɡ, dɛ dɔ nomonliire. O soɡe pua hɛŋle ɡbo harɛ, dɛ ka tel kɛŋɔ tɔpere waa pa o toma mun Israel tena bini aa tela.

Amanesoma Luk Aa Chwera Tɔn 2:47

Nɛra baa lɔ bela dɛɛ no waa la bwa nyoa kpo ɡɛ waa jemɛ waa kohona, ne ɡɛ baa dɛ bɔɔro waa asɛ o won dɛɛ baɡle a bini kɛrɛdɛ la ta.

Amanesoma Luk Aa Chwera Tɔn 2:52

Dɛ Yeesu dɛ kpeɡ dɛɛ jemɛ wa, asɛ o we-ɛɛla ɛɛ lɛ Korowii ne nɛra sie.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

We-ɛɛla 4:33

Kpeɡri tenten nee Yeesu toroma la di o seo ta ira la danseɛ. Asɛ Korowii cha ba, dɛ ɡel o nyanyini ba so ba nɛ kohona.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

Sitɔɔla 13:24

Haah la aa dɛ ba lola la, bibaalee o lolɛ, asɛ ba pa o sɔn Samsen. O kpeɡo asɛ Korowii sweero andɛɛɡa.

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 2:21

Korowii na Hana sum dɛ tɛo bibaala batoro dɛ bihaahna banɛ. Samoɛl lɔ Silo bela Korowii sie dɛɛ tomɔ, dɛ ba kpeɡ.

1 Samoɛl 2:26

Samoɛl nao dɛ ɡee kpeɡ, o waa do wer Korowii ne nɛwɛnyini bwa be.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.