Amanesoma Luk Aa Chwera Tɔn 2:37 - mzwDBL

³⁷ O ta yalɛ kpa, dɛ ba di bene fifraanuatoro dɛ anaarɛ. O ta o Korowii toma kpɔe bil harɛ. Chɔɔ ne jwaana dɛ o lɔ Korowii Dea, dɛ yon dɛɛ vɔwɛ nyoa dɛɛ soŋe Korowii.

Amanesoma Luk Aa Chwera Tɔn 2:37 ပူးပေါင်းရင်းမြစ်များ

Yela 22:2

N Naa Korowii, n wio dɛɛ noe chɔɔ haa men chaŋe, dɛ wi dɛɛ noe jwaana, kɛ n bwara aa men sɔɔh.

Yela 23:6

N jemɔ kɛ he waa wer hɛɛ nyin mɛ nomanta, hɛɛ ja n nɛɛ n soɡa bini tɔpere bɛlbwa, ásɛ n so hen Korowii Dea, saŋ bɛlbwa dɛɛ la.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

Yela 84:4

Nɛra baa lɔ he Dea la, ba na som. Ba ɡo yela dɛɛ kpɛɛre saŋ bɛlbwa.

Yela 92:13

Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.

Kaala 38:8

O kpɔ ayaawa kwaa loɡbajen, asɛ kon waa chɔŋɛ o ta ɡe ɛ ayaawa. Toli bane baa lɔ Korowii Dea Cheremibɔr doonyoa dɛɛ ɛ toma la kpɔ ba ayaawa diɡi ba, bá kpɔ ɛa.

Amanesoma Luk Aa Chwera Tɔn 5:33

Asɛ ba pɛɛro ŋɔ, “Ɛrɛ waa Jɔn habɔteŋra la ne Farisii tena la yon vɔwɛ nyoa dɛɛ soŋe Korowii, asɛ he habɔteŋra nɔ te aa wola ɡɛ ɛ nɔɔ?”

We-ɛɛla 13:3

Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

We-ɛɛla 26:7

Ya Juu tena deene fi dɛ anɛ tena la bwaa dɛɛ yarada Korowii kɛŋɔ wɛɛ ɛ ɡɛ waa baɡɛ yaa nyoa laanee, dɛ koh a waa dɛɛ tomɔ sibeɡra ne chɔɔ ne jwaana bwa. N Naa kooro, webeŋkpoŋ nɔ ya bwa aa dɛ hwɛɡɛ o ta nɔ, onee ba kpɔ dawɛ n nɛɛ ŋɔ n ɛ wechɔɡa la. Na nɔ!

1 Timoti 5:5

Luhaah waa nyaa o ta nɛn dɔe ó nyiŋi o nɛɛ la te, Korowii nɛɛ o sie dawɛ wɛɛ soŋo chɔɔ ne jwaana bwa ó chao.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Wepila 7:15

Anomanta, ba lɔ Korowii kookara la sie dɛɛ tomɔ chɔɔ ne jwaana kɛŋɔ o Dea sɔfore, asɛ o ɡbaɡba waa soɡe kookara la ta la ɛɛ tɔ ba nɛ.

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.