Amanesoma Luk Aa Chwera Tɔn 2:36 - mzwDBL

³⁶ A ɡɛ saŋ la, dɛ luhaah bɛl lole dɛ ɛ Korowii keame, baa yerɔ Hana. Dɛ Fanoɛl bihaahnee on, asɛ o le Aasa dea. Dɛ o hwɛɛhrɔ. O yalɔ o toli saŋ, o ne o jaa so bene anuanɛ asɛ o jaa la ba sewɛ.

Amanesoma Luk Aa Chwera Tɔn 2:36 ပူးပေါင်းရင်းမြစ်များ

We-ɛɛla 21:9

Dɛ o dɔ bihaahna banaarɛ baa wola yalɛ bwa, asɛ Korowii Domadɛɛɡe la cha ba ba yon dɛɛ bol Korowii Wa.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

1 Kɔrent 12:1

Yabala, n dɛ nyin kɛŋɔ hé jemɛ kpeɡri Korowii Domadɛɛɡe aa dɛ cha yaa ya dɔ la bini kɛrɛdɛ.

We-ɛɛla 2:18

Gɛ saŋ la, mɛɛ ɡeloo n Doma ba so n bonɔɔna ne toli bwa nɛ, ásɛ ba bol n waa la.

Yela 92:14

A ɛ dabena dɛ ta won nɔna, dɛ dɔ papooni kohona, dɛ che kɛrɛdɛ.

Job Tɔn 5:26

Hɛɛ dɔ mkpajaŋee, he bwara ta do kpeɡri mɔɔ he sewɛ, kɛŋɔ mea yon be kɛrɛdɛ mɔɔ ba koma la.

2 Koranar 22:14

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

Sitɔɔla 4:4

Dɛ haah bɛl sɔne Dɛbora dɛ ɛ Korowii keame, dɛ ɛ Israel tena sitɔɔ ɡɛ saŋ. O jaa sɔne Lapedɔt.

Mumpar 30:13

asɛ Lea ŋɔ, “N sie lɛo name. Taraken n bala ɛɛ dɛɛ yer mɛɛ nɛn waa na som.” Asɛ dɛ pa bie la sɔn Aasa.

Wepila 7:6

dɛ do Aasa dea nɛra kaɡboŋa fi dɛ banɛ. Gɛɛ o do Naftale dea ɡe nɛra kaɡboŋa fi dɛ banɛ, dɛ berɛ do Manasɛ dea nɛra kaɡboŋa fi dɛ banɛ.

Josua 19:24

Aasa dea tena lolanar harɛ ɡee teŋa nue ba kpɔ tɛɛ ba.

1 Samoɛl 1:2

Dɛ Ɛlkana mo haahna banɛ. Bɛl sɔne Hana, asɛ nɛɛte ɡe Pɛnena. Pɛnena dɔ bii, asɛ Hana te ta bie dɔe.

Ɛsekeɛl 13:17

Korowii ŋɔ men Ɛsekeɛl be ŋɔ, “Nɛwɛnyini bie, eɡle sie ta haahna baa cheɡɛ ba ɡbaɡba liire ta dɛɛ bol waa aa dɛ ba ba nɛɛ bala kerekere la nɛ, kah ba,

Amanesoma Luk Aa Chwera Tɔn 2:35

ásɛ nomɛlbwa bambile bini waa chɔ baŋ. Gɛ baa dɛ ba o ɛɛ la, aa we he nɛɛ kɛŋɔ baa kpɔ kere dɛɛ tɔɡɛ he bambile ken.”

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

1 Kɔrent 11:5

Dɛ haah ɡe dɛ soŋe Korowii kɛɛ dɛ che Korowii Domadɛɛɡe la kpeɡri ta dɛɛ bol waa o ta kon kpɔe bɔle o nyu aa, waa duure kpɔe dɛɛ tɛ baa. O do kɛŋɔ nɛn baa fonɛ o nyu ken.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

1 Timoti 5:9

Bɛ luhaah waa wola bene fifraanumɛl dɔe mɔɔ la kure ja luhaahna maa bol ba waa ŋɔ hɛ́ɛ cha ba dɛɛ nyiŋ ba la nɛ. Luhaah waa dɔ bene fifraanumɛl, waa wola baa bɛlbwa jemɛ ka ja o jaa nɛ,