Amanesoma Luk Aa Chwera Tɔn 2:32 - mzwDBL

³² On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Luk Aa Chwera Tɔn 2:32 ပူးပေါင်းရင်းမြစ်များ

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 49:9

Mɛɛ ŋɔ nɛra baa do ba deene bee ŋɔ, ‘Hé le kaa!’ dɛ́ ŋɔ banɔ la baa lɔ biro ta ɡe be ŋɔ, ‘Hé le ba bɔchaah ta.’ Baa ɛo kɛŋɔ peera aa dɛ di deŋɡarere ta ken,

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Aesaya 60:19

Haa wee nyin kɛ tɔɔ peraa, o chaah tɛɛ kpa. Haa korobie ɡee nyin kɛ o chaah tɛɛ jwaana ɡe. Men Korowiirii dɛɛ ba he nɛɛ chaahna saŋ bɛlbwa, n jirima do he nɛ.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Amanesoma Luk Aa Chwera Tɔn 2:10

Anee nyundua torome la ŋɔ ba be ŋɔ, “Hɛ́ɛ berɛ ɔma! Amanesoma aa dɛ ba silɛɛ ne bala ba tɛ nɛra bwa la nee n ba.

Amanesoma Luk Aa Chwera Tɔn 2:31

haa leo tɛ yaa ŋɔ nɛra bwa nao la.

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

1 Kɔrent 1:31

Anomanta, ɡɛ Korowii Tɔn la aa ŋɔa la. “Nomɛlbwa waa dɛ nyin o te maŋkurae la, wɛɛ maŋkura o te waa Korowii aa ɛa ta.”

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.