Amanesoma Luk Aa Chwera Tɔn 19:44 - mzwDBL

⁴⁴ Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”

Amanesoma Luk Aa Chwera Tɔn 19:44 ပူးပေါင်းရင်းမြစ်များ

Yela 137:9

Nɛra baa bá lawɛ he bechasɔɔhne, dɛ́ kpɔ ba cha bwea la, Korowii swee ba andɛɛɡa.

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Aesaya 29:3

Wɛɛ ɡeloo he dɔma bar heyaa cheme dɛ́ tɔ heyaa do. Baa ma konjaŋaa pɛl danjwɛɛ waa bar bwɛɛ la, dɛ́ che a ta jo.

Jeremia 11:23

Ba bini bɛlbwa toole dɛɛ ba kae, dɛkalkɛ chɔɡa tentenee mɛɛ ba kpɔe ba ta Anatɔt baala nɛ, ba deŋnetɛra bena la ta.”

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Matiu 24:2

Anee Yeesu ŋɔ, “Hé nyiŋi deene nɔ bwa kɛrɛdɛ. N dɛ ŋɔ he be kɛ baa ba kuuɡi a bwaa ta. Bwe bɛlbwa aa lee do dɛ́ ta chɔŋɛ o dɔŋ nɛɛ kpa.”

Amanesoma Mak Aa Chwera Tɔn 13:2

Anee Yeesu ŋɔ, “Kɛ he na dejena nɔ kenɛ? Ba ta ɛɛ paɡre a bwaa kwara, ásɛ a bwe beŋkpoŋ kwara aa lee do dɛ́ ta chɔŋɛ o dɔŋ ta kpa.”

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

Amanesoma Luk Aa Chwera Tɔn 1:78

N Naa Korowii tea aa dɛ domɛ nɛn nɛɛ kohona nomanta, wɛɛ ɡeloo o wee ɛɛ chaah yaa,

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.

Amanesoma Luk Aa Chwera Tɔn 21:6

“Tɔpere bɛl ɛɛ bao ásɛ anɔ haa naa nɔ, ba ta ɛɛ paɡre a bwaa ásɛ bwe beŋkpoŋ bɛlbwa aa wola lee do dɛ́ chɔŋɛ o dɔŋ nɛɛ kpa.”

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.