Amanesoma Luk Aa Chwera Tɔn 19:29 - mzwDBL

²⁹ Baa dɛ tel Bɛtfej ne Bɛtani bwɛɛre ta, Ɔlevere Bwejen bɔr la, o tomɛ o habɔteŋra la bini banɛ ŋɔ bá tɔ sie,

Amanesoma Luk Aa Chwera Tɔn 19:29 ပူးပေါင်းရင်းမြစ်များ

Sekaria 14:4

Awola tɔpere la, wɛɛ ka che Ɔlevere Bwejen la taa, Jerusalam wee leebɔr. Ásɛ Bwejen la bini bɔne anɛ le wee leebɔr ba kaa wee cholibɔr, dɛ́ ɡel fɛlembɔjen chɔ baah ta, ásɛ Bwejen la pera do weekaŋle nyunduabɔr, o pera ɡe do weekaŋle harɛbɔr.

Matiu 21:17

Yeesu ɡel ba bwɛjen la ta, dɛ kaa Bɛtani ka chɔ.

Amanesoma Luk Aa Chwera Tɔn 19:30

dɛ ŋɔ, “Hé la bwɛɛ nɔ waa lɔ he sie nɔ ta. Haa dɛɛ tel bela la, hɛɛ nao kɛŋɔ baa vɔwɛ keeɡo bie bɛl baa wola o ta soɡe bwa. Hé laa pur dɛ́ kpɔɔ ba.

Amanesoma Luk Aa Chwera Tɔn 19:37

Baa wili Ɔlevere Bwejen la dɛɛ tel Jerusalam la, Yeesu habɔɔ nɛra la bwa sie lɛo, baa kpɛɛ Korowii kohona kɛŋɔ waa ɛ nyokpowaa ba na la.

Amanesoma Luk Aa Chwera Tɔn 21:37

Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ.

Amanesoma Luk Aa Chwera Tɔn 22:39

Yeesu le bwɛɛ la ta dɛ kaa Ɔlevere Bwejen la ta, ɡɛ o yon dɛɛ ɛ la, asɛ o habɔteŋra la teŋɛ o nɛɛ kaa.

Amanesoma Luk Aa Chwera Tɔn 24:50

Belaa o kpɔ ba le Jerusalam kaa Bɛtani dahare dɛ ka laa o nɔɔra ir dɛ soŋe Korowii tɛɛ ba.

We-ɛɛla 1:12

Asɛ Yeesu toroma la le Ɔlevere Bwejen la ta baa cheɡa o kaa nyundua ɡel ba la ta, dɛɛ kaa bwɛjen Jerusalam. A ka tama bwe la ne Jerusalam ɛ kwansini beŋkpoŋ.