Amanesoma Luk Aa Chwera Tɔn 18:7 - mzwDBL

⁷ Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Amanesoma Luk Aa Chwera Tɔn 18:7 ပူးပေါင်းရင်းမြစ်များ

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Yela 9:8

Hɛɛ bol harɛ nɔ ta nɛra waa a toɡre, dɛ di kora aŋwɛnɛ ta.

Kaala 22:23

He fiɡ ba asɛ ba wi no men Korowii aa, mɛɛ cha baa.

Aesaya 40:27

Israel tena, bɔkwa waa hɛɛ naɡre waa saŋ bɛlbwa ŋɔ, Korowii aa he wehiah jemɛ, dɛ ŋɔ, o laa sie kpɔ he wahala ta nɔɔ?

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Matiu 24:22

Kɛ dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Anomanta, ɡɛ aa ɛ ásɛ Korowii nɛra waa chal ba dɛ lɛɛ ba la dɔ ba nyu la, o teŋe tɔpechɔɡa la ane ta.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Matiu 7:11

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

Amanesoma Luk Aa Chwera Tɔn 11:13

Dɛ he wechɔɡ-ɛɛra nɔ kwaraa jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola nɛra baa dɛ soŋo o Domadɛɛɡe la tenee tɛo!”

Amanesoma Luk Aa Chwera Tɔn 2:37

O ta yalɛ kpa, dɛ ba di bene fifraanuatoro dɛ anaarɛ. O ta o Korowii toma kpɔe bil harɛ. Chɔɔ ne jwaana dɛ o lɔ Korowii Dea, dɛ yon dɛɛ vɔwɛ nyoa dɛɛ soŋe Korowii.

Amanesoma Luk Aa Chwera Tɔn 21:28

Dɛ ɡɛ waa nɔ baa pa mun dɛɛ ɛ aa, hé kpɔ he te dɛɛ kpa, dɛkalkɛ he Lɛɛ tɔpere la telo.”

Tɔn Pɔɔl Aa Chwerɛ Rom Tena 8:33

Umee dɛ́ won na Korowii bii waa lee ba nɔ bwara wechɔɡe bɛl dɛ bolɔ? Korowii kwara waa dɛ pa bole la, o ŋɔ ba waa wer dɛɛ su o siwi.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

1 Tesalonika 3:10

Ya dɛ soŋe Korowii chɔɔ ne jwaana bwa, ásɛ dɛ na he siebɔr ja, dɛ́ bol waa aa dɛ ba wona cha heyaa he yarada bini, ásɛ he do kpeɡri ja.

2 Tesalonika 1:6

Kɛ nɛra baa dɛ ɛ heyaa hɔhɔrɔwa la te, Korowii ɛɛ bɔ ba a kemee. O we-ɛɛla toɡrɔ. Ó ɛɛ ba ɡɛ hɔhɔrɔwa la,

1 Timoti 5:5

Luhaah waa nyaa o ta nɛn dɔe ó nyiŋi o nɛɛ la te, Korowii nɛɛ o sie dawɛ wɛɛ soŋo chɔɔ ne jwaana bwa ó chao.

2 Timoti 1:3

N dɛ jam Korowii maa dɛ tomɔ tepoŋ ne ɡɛ tenten n naawa fa aa dɛ tomɔ la he wa. N Korowii soŋa ta bwaa mɛɛ jaamo he waa chɔɔ ne jwaana.

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

Wepila 7:15

Anomanta, ba lɔ Korowii kookara la sie dɛɛ tomɔ chɔɔ ne jwaana kɛŋɔ o Dea sɔfore, asɛ o ɡbaɡba waa soɡe kookara la ta la ɛɛ tɔ ba nɛ.