Amanesoma Luk Aa Chwera Tɔn 18:23 - mzwDBL

²³ Baa la aa no ɡɛ waa nɔ la, o tea bini chɔɡɔ, dɛkalkɛŋɔ dɛ o dɔ suuɡa taeh.

Amanesoma Luk Aa Chwera Tɔn 18:23 ပူးပေါင်းရင်းမြစ်များ

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Matiu 19:22

Baa la aa no ɡɛ Yeesu aa bola la, o tea bini chɔɡɔ, o laa berɛ kaa, dɛkalkɛ dɛ o dɔ kondɔɔh taeh.

Amanesoma Mak Aa Chwera Tɔn 10:22

Yeesu aa ŋɔ ɡɛ la, ate dɛ o tea bini chɔɡɔ, asɛ o berɛ ɡure nyu su, dɛkalkɛŋɔ dɛ o dɔ kwaa kɛrɛdɛ.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 18:24

Yeesu nyiŋu dɛ na kɛŋɔ o tea bini chɔɡɔ, asɛ o ŋɔ, “A kpeɡri kɛŋɔ dɔɔh dɔ bɔr ja Korowii Kora la ta.

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Luk Aa Chwera Tɔn 8:14

Asɛ anɔ la ɡe aa lee sɔɔhne baah, sɔɔhne la lawa a sewɛ la ɡee nɛra baa no Korowii Waa la, asɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ waa la ɛɛ dɔ tɔnɔ la.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Jɔn 2:15

He bɛ ɡel he sie lɛ waa aa dɛ lɛ nɛra baa dɔ harɛ nɔ ta ɡbo liire sie la, ne harɛ nɔ ta kwaa ta. Dɛ he sie dɛ lɛ a ɡɛ kwaa la ta naa, dɛ haa he Mɛɛ waa lɔ nyundua la waa nyin.