Amanesoma Luk Aa Chwera Tɔn 18:1 - mzwDBL

¹ Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Luk Aa Chwera Tɔn 18:1 ပူးပေါင်းရင်းမြစ်များ

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 27:13

N dɔ hwɛɡa hen Korowii nɛɛ kɛŋɔ, mɛɛ soo, dɛ́ jemɛ he wedɛɛɡa haa dɛ ɛ.

Yela 65:2

dɛkalkɛ henee dɛɛ no ya wesoŋa. Nɛra ɛɛ le bobɛlbwaa ba he be dɛ́ ba tomɛ,

Yela 86:3

N Naa Korowii, na n sum dɛkalkɛ saŋ bɛlbwaa n wi dɛɛ noe.

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Aesaya 62:7

Baa ɡel Korowii onɛ bwa ka tel kɛŋɔ, waa bera kwaa vɔrɔwe hen Jerusalam. Wɛɛ ɛɛ bwɛjen nɛra bwa kpɛɛre harɛ nɔ ta.

Jeremia 29:12

Belaa hɛɛ ba n sɔn yera dɛɛ soŋ mɛ, ásɛ n no he wesoŋa.

Jona 2:7

N naa Korowii, maa naa kɛŋɔ n fe dɛ ba sewa la, n lii he wa, n siwi swɛɛ he soŋa ta, a tel he be, he Dea waa do ɡoroŋ la ta.

Amanesoma Luk Aa Chwera Tɔn 11:10

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Kolosi 4:2

Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo.

1 Tesalonika 5:17

dɛɛ soŋe Korowii saŋ bɛlbwa.

1 Samoɛl 1:12

Hana teŋɔ soŋe Korowii la sie taeh, asɛ sɔfo Eli ɛɛ nyiŋi a bwa.