Amanesoma Luk Aa Chwera Tɔn 17:24 - mzwDBL

²⁴ Gɛ bwaala yon nyɛɡle nyundua bwa chaah la, ɡɛɛ Men Nɛn Bie la bala ɛɛ ba doe, nomɛlbwa na mɛ.

Amanesoma Luk Aa Chwera Tɔn 17:24 ပူးပေါင်းရင်းမြစ်များ

Ɛsekeɛl 1:14

Hweera kwaa la laŋɔ dɛɛ ba wɔrɔbe nɛɛ kɛŋɔ bwaala aa dɛ nyɛɡle la.

Sekaria 9:14

Korowii ɛɛ le nyunduaa dɛ́ ba o nɛra be, ásɛ o hɛm nyɛɡle kɛŋɔ bwaala nyɛɡla ken. Nemenɛ Korowii ɛɛ hoh laa bɛlaa, dɛ́ valɛ peujen bini kpeɡri ne le weekaŋle harɛbɔr ba.

Matiu 24:27

dɛkalkɛ Men Nɛn Bie bala ɛɛ ɛo kɛŋɔ bwaala yon nyɛɡle le wee leebɔr kaa wee cholibɔr la. Gɛɛ maa wola n balaa kpɔ sɔh nomɛlbwa.

Matiu 24:30

A taa hɛɛ ba waane nyundua nae a chaɡle Men Nɛn Bie la kpeɡri, ásɛ harɛ nɔ ta nɛra bwa na dɛ́ wi, ásɛ dɛ na kɛŋɔ Men Nɛn Bie la aa le nyundua baama bini dɛɛ ba kpeɡri ne jirima tenten ne.

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Matiu 5:15

Nomɛlbwa aa kandea choŋi dɛ́ kpɔ kon dɛɛ pi o ta. Kɛ ba dɛ choŋu dɛ́ kpɔ chɔŋɛ kon ta, ásɛ o chaah tɛ nɛra baa lɔ dem bela la bwa.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

2 Tesalonika 2:2

hɛ́ɛ lii a waa kɛrɛdɛ. Maa nyin nomɛlbwa bol wetamaa ane, ásɛ he den ɔmɛ dɛɛ lii kɛŋɔ ya Dɔɔ balɔ kaa. Dɛ ba ŋɔ Korowii Domadɛɛɡe baɡ ba ɡɛ baa bol, kɛɛ dɛ he na tɔn bɛl o neɡre heyaa kɛŋɔ yanee chwerɔ waa, he bɛ no dɛ́ ɡel a ɛ heyaa waane.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Jems 5:8

Gɛ tentenee chɛ kɛŋɔ he ɡe lawɛ bambile dɛ́ che kiŋkiŋ, dɛkalkɛŋɔ he Dɔɔ la bala telo.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.