Amanesoma Luk Aa Chwera Tɔn 17:20 - mzwDBL

²⁰ Awola bɛl, Farisii tena bane bɔɔ Yeesu ŋɔ, “Bɛweeree Korowii Kora la ɛɛ ba bala ɔ?” Anee o ŋɔ, “Korowii Kora la ta komɛl haa dɛ ba o nae ɛɛ.

Amanesoma Luk Aa Chwera Tɔn 17:20 ပူးပေါင်းရင်းမြစ်များ

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Amanesoma Luk Aa Chwera Tɔn 10:11

‘Hale ya pee he bwɛɛ nɔ teera aa ɛ ya napaala la ta, dɛ baɡle kɛŋɔ ya kpɔ Korowii Waa ba he be he vɛah. Kɛ a chɛ kɛ hé jemɛ kɛŋɔ Korowii Kora la pu heya.’

Amanesoma Luk Aa Chwera Tɔn 14:1

Awola Ona Tɔpere bɛl, Yeesu la Farisii tena nomonome la bɛl dem dɛɛ la ka di kwa, asɛ nɛra baa lɔ bela la ɛɛ nyiŋu dɛɛ kari waa waa dɛ ɛ bwa.

Amanesoma Luk Aa Chwera Tɔn 16:16

Mosis Mmara la ne Korowii keamere la waa la baa chwera laanee lole baa baɡle mɔɔ, dɛ́ ka tel ɡɛ saŋ Jɔn o fa aa dɛ sɔ nɛra Korowii nee la aa bala. Le ɡɛ saŋ waa bala dɛ baa bol Korowii Kora la Amanesoma la, nomɛlbwa siwi swɛɛrɔ wɛɛ nyin bɔr dɛ́ ja Korowii Kora la ta.

Amanesoma Luk Aa Chwera Tɔn 19:11

Dɛ ba dɛ tel Jerusalam, asɛ nɛra la ɛɛ lii kɛŋɔ Korowii Kora dii tɔpere la denɔ dɛɛ ba bala. Baa dɛ no o be la, Yeesu berɔ bol waa sɛɡla ne ba be.

Amanesoma Jɔn Aa Chwera Tɔn 18:36

Asɛ Yeesu chaŋo ŋɔ, “Harɛ ta bonɔ laa mɛɛ di kora. Dɛ harɛ ta bonɔɔ mɛɛ di kora aa, n nɛra fe aa sɛh bá kpɔ mɛ tɛ Juu tena, ba fe ɛɛ yoo lɛɛ mɛ. Kɛ harɛ ta bonɔ kora laa mɛɛ di.”