Amanesoma Luk Aa Chwera Tɔn 17:1 - mzwDBL

¹ Yeesu ŋɔ o habɔteŋra la be ŋɔ, “A ɛ wobɛlbwa, waa aa dɛ ba ɡela nɛn ɛ wechɔɡa la ɛɛ bao. Kɛ naate aa che o nɛɛ dɛ́ ba la, bwɛɛlɛ.

Amanesoma Luk Aa Chwera Tɔn 17:1 ပူးပေါင်းရင်းမြစ်များ

Matiu 16:23

Belaa Yeesu laa o te berɛ dɛ kɔr Pita ŋɔ, “Le n jwɛh, Bɔnsam! He dɛ neɡ mɛ ń ɛ wechɔɡa, dɛkalkɛ haa anɔ la Korowii aa dɛ nyin la lii, nemenɛ nɛra tetoowa.”

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

1 Kɔrent 10:32

He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ.

1 Kɔrent 11:19

Aa ba ɡɛɛ. Dɛ a ta ɡɛ balaa, nɛra aa won jemɛ banɔ la baa ɛ nɛndɛɛɡa he bini.

1 Kɔrent 8:13

Dɛ n nao kɛ kondikwaa maa dɛ di la ɛɛ ɡeloo n dɔŋ ɡe di a kaa o ne wechɔɡa ta naa, amɔ te mɛɛ ɡel a dii, ásɛ n dɔŋ ɡe bɛ di dɛ́ ba kaa wechɔɡa ta.

1 Timoti 4:1

Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.