Amanesoma Luk Aa Chwera Tɔn 16:23 - mzwDBL

²³ asɛ o ka jo Bɔnsam nii ta. Dɛ o dɛ na nii taeh. On ŋɔa o nyiŋi, dɛ na Abraham bojaŋ le, asɛ Lasorɔs so o be.

Amanesoma Luk Aa Chwera Tɔn 16:23 ပူးပေါင်းရင်းမြစ်များ

Yela 16:10

tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Yela 49:15

Kɛ Korowii ɛɛ lɛɛ mɛɛ, wɛɛ lɛɛ mɛɛ le kpeɡri seo aa dɔa la nyoa.

Yela 86:13

He nyina aa wola jaɡa dɔe la kan tɛ mɛ! He lɛɛ mɛ le seo nyoa.

Yela 9:17

Seo chɔ le dɛɛ kpa nyubinikpeɡ tena, banee harɛre nɛra baa vɛh hen Korowii toma la.

Sɛɡla 15:24

Wejereme bɛlbwa dɛ kpɔ mkpa ŋwɛnɛ ta, dɛ laa o te dɛɛ kpɔ waa aa ba seo ne.

Sɛɡla 5:5

Wɛɛ kaa he ne seo taa, lalabwɛɛ ŋwɛnɛɛ wɛɛ kpɔ.

Sɛɡla 7:27

He nakpala tire o dem aa, amɔ dɛ lalabwɛɛ ŋwɛnɛ taa he che la. Bela ne seo bori.

Sɛɡla 9:18

Nɛra waa dɛ lɛɛ ba la aa jemɛ kɛŋɔ ba la o dem aa, ba dɛ sewɛ. Banɔ la baa tɔ sie jo bela la, ba bwa serewɔ kaa lalabwɛ.

Aesaya 14:15

Kɛ ane a bwa, Korowii ba he ne harɛ, dɛ kpɔe kaa lala huɡribɔr bɔɔ bini.

Aesaya 14:9

Lala kpɔ ba te ba sie beɡre baa kpa Babelɔn kooro bala. A ɡelɔ nɛra ba fa aa dɛ di kpeɡri harɛ nɔ ta dɛ sewɛ la ir dɛɛ jaamo. Nomonome ba fa aa dɛ di kpeɡri harɛre ta ir ba kookane ta dɛɛ kpao.

Matiu 11:23

Ásɛ he Kapeeneɔm tena ɡe, he fe dɛ nyin kɛ he ɡbaɡba ir kaa Korowii doa kɛɛ? Baa viɡri heyaa Bɔnsam nii taa. Nyokpowaa nɔ maa ɛa he bini nɔ, dɛ ba fe ɛa Sodom aa, Sodom fe ta lole ba le fini, Korowii fe ta on chɔɡɛ.

Matiu 18:9

Dɛ he siwi ɡee neɡree he ɛ wechɔɡa aa, fomo ta. Haa dɔ siwi beŋkpoŋ, dɛ ba dɔ Korowii mkpa bɔ kɛŋɔ, haa dɔ sibie anɛ dɛ kaa Bɔnsam nii aa wola dime bwa la ta.”

Matiu 23:33

Nɛnchɔɡa kɛŋɔ harɛkwa, domkpuli bii! Ɛrɛɛ hé ɛ haa wola Bɔnsam nii taa joɔ?

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Matiu 5:29

Anomanta, dɛ he diɡ siwi ɛɛ ɡeloo he ɛ wechɔɡa aa, fomo ta! He fomo ta kwaraa bɔ kɛ haa kpɔ sibie anɛ kaa Bɔnsam nii ta.

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Amanesoma Luk Aa Chwera Tɔn 16:24

Anee o ha nyoa yerɛ Abraham dɛ ŋɔ, ‘N Naa Abraham! Na n sum, ásɛ dɛ tomɛ Lasorɔs ásɛ o kpɔ o nonii ka leɡe nesɔn dɛ́ kpɔ ba leɡe n nyondoŋe. N lɔ nii ta n bwara ɛɛ nyɛɡ mɛ.’

Amanesoma Luk Aa Chwera Tɔn 16:28

dɛ́ ka kah n nimanar banue bane baa lɔ bela la ŋɔ, ɡɛ maa ɛa la, ba bɛ ɡɛ ɛ ásɛ dɛ ba bonɔ maa lole dɛɛ na wahala nɔ.’

Amanesoma Luk Aa Chwera Tɔn 8:28

Gɛ baa nɔ aa na Yeesu la, o chwao dɛ ba ɡuŋi o sie, dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N dɛ soŋe, bɛ men weweele do.”

1 Kɔrent 15:55

“Seo, lee he kpeɡri dɔɔ jaɔ? Ɛrɛɛ hɛɛ ba ɛɛ dɛ́ won do yaa weweele ta nɔ?”

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.