Amanesoma Luk Aa Chwera Tɔn 16:17 - mzwDBL

¹⁷ Kɛ, nyundua ne harɛ ɛɛ chɔɡoo, dɛ ba ta Mmara la bini wejeɡaa bɛlbwa berɛ.

Amanesoma Luk Aa Chwera Tɔn 16:17 ပူးပေါင်းရင်းမြစ်များ

Aesaya 40:8

Kpɔɡa dɛ sewɛ, a fee ɡe ɛɛ chure, kɛ Korowii yaa dɛ tomɔ la te waa lole saŋ bɛlbwa dɛɛ la.”

Aesaya 51:6

Hé ha sie nyiŋi nyundua, dɛ́ berɛ ba sie ne harɛ dɛ́ nyiŋi. Nyundua ɛɛ nyoɡroo kɛŋɔ ninchuu ken, ásɛ harɛ ɡe chɔɡ kɛŋɔ yakwara aa kɔɔhna ken, nɛra baa lɔ o ta serewe kɛŋɔ chwɛɛhne. Kɛ lɛɛ maa dɛ ba nɛra lɛɛ la ɛɛ do lee saŋ bɛlbwa dɛɛ la. N waa aa toɡra ɡe aa tonɛ bwa.

Matiu 5:18

Kasinteŋ, nyundua ne harɛ taa lole nɔ, Mmara nɔ bini wejeɡa bɛlbwa aa lee ba, hale dɛ́ ka tel wobɛlbwa jaɡa saŋ.

Amanesoma Luk Aa Chwera Tɔn 21:33

Nyundua ne harɛ ɛɛ chɔɡoo. Kɛ n waa maa bola te bwa ɛɛ do lee saŋ te bɛlbwa.

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

1 Pita 1:25

Kɛ Korowii Waa te lole saŋ bɛlbwa.” A ɡɛ waa nɔɔ Amanesoma baa bola baɡle heyaa la.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 21:1

Belaa n na nyundufale ne harɛfale bɛl. Dɛ nyundua ne harɛ la a fa aa lole la te nyoɡrɔ, asɛ mpo ɡe nyoɡre.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”