Amanesoma Luk Aa Chwera Tɔn 16:16 - mzwDBL

¹⁶ Mosis Mmara la ne Korowii keamere la waa la baa chwera laanee lole baa baɡle mɔɔ, dɛ́ ka tel ɡɛ saŋ Jɔn o fa aa dɛ sɔ nɛra Korowii nee la aa bala. Le ɡɛ saŋ waa bala dɛ baa bol Korowii Kora la Amanesoma la, nomɛlbwa siwi swɛɛrɔ wɛɛ nyin bɔr dɛ́ ja Korowii Kora la ta.

Amanesoma Luk Aa Chwera Tɔn 16:16 ပူးပေါင်းရင်းမြစ်များ

Matiu 10:7

dɛ́ ka bol ba be ŋɔ Korowii Kora puu ba tonɛ.

Matiu 15:11

kwaa nɛn aa dɛ di laa ɡela o ɛ nɛnchɔɡe, nemenɛ anɔ la aa dɛ le o nyoa wɛɛ bol la.”

Matiu 21:32

dɛkalkɛ Jɔn o fa aa dɛ sɔ nɛra Korowii nee la ba he be dɛ ba chaɡle heyaa ŋwɛnɛdɛɛɡe la ŋɔ hé kpɔ o ta, asɛ he vɛh o waa la yaradae. Kɛ toɔ lɛɛra ne jwamane tenaa bera yarada o waa la. Hale haa bera na ɡɛ la, he ta he liire charɛ dɛ berɛ ba yaradao.”

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 4:17

Gɛ saŋ laanee Yeesu pa mun bol waa dɛɛ chaɡle nɛra ŋɔ, “Hé charɛ he liire le he wechɔɡa ta, dɛkalkɛ Korowii Kora la pu heyaa tonɛ.”

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Amanesoma Mak Aa Chwera Tɔn 1:14

Belaa ba lawɛ Jɔn do dea. A habɔɔ la, Yeesu la Galilia harɛ dɛ ka bol Korowii Amanesoma baɡ ba.

Amanesoma Mak Aa Chwera Tɔn 1:45

Baa la aa lea la, o kpɔ waa la perɛ bobɛlbwa. A ɡelɔ Yeesu ta wone valɛ kɛrɛdɛ ɡɛ waa dɛ nyin kpa. Anomanta, bwɛɛ bɛlbwa waa la o ta la, ɡɛɛ o ka so bwɛɛ la dahara, asɛ nɛra le bobɛlbwa dɛ ba o be.

Amanesoma Luk Aa Chwera Tɔn 10:11

‘Hale ya pee he bwɛɛ nɔ teera aa ɛ ya napaala la ta, dɛ baɡle kɛŋɔ ya kpɔ Korowii Waa ba he be he vɛah. Kɛ a chɛ kɛ hé jemɛ kɛŋɔ Korowii Kora la pu heya.’

Amanesoma Luk Aa Chwera Tɔn 10:9

Hé chah bela tena ba bwara aa dɛ wee ba la weela, ásɛ dɛ ŋɔ ba be ŋɔ, ‘Korowii Kora la pu heya.’

Amanesoma Luk Aa Chwera Tɔn 16:29

Asɛ Abraham ŋɔ, ‘He nimanar la dɔ tɔne Mosis ne Korowii keamere la aa chwera la, á ja ba. A chɛ kɛ ba kura dɛ́ no waa baa dɛ bol.’

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Amanesoma Luk Aa Chwera Tɔn 9:2

dɛ tom ba ŋɔ bá ka bol Korowii Kora la wa, dɛ́ chah weela tena.

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”

Amanesoma Jɔn Aa Chwera Tɔn 11:48

Dɛ ya ɡelo waa, nɛra kɛrɛdɛ bwa ɛɛ yaradao, ásɛ a che a ta ya dɔɔranar Rom tena dɔ bɔr dɛ́ ba lɛ ya Korowii Dea nɔ ne harɛ nɔ bwa kpeɡri dɛɛ di.”

Amanesoma Jɔn Aa Chwera Tɔn 12:19

Belaa Farisii tena la bol dɔŋa be ŋɔ, “Hɛlaa yaa hɛlɛ la! Yaa won ɛo wobɛlbwa noo! Na nɛra bwa aa wura teŋɛ o nɛɛ ɡɛ!”

We-ɛɛla 3:18

Korowii tɔ sie ɡel o keamere la bwa baɡle ŋɔ o Kristo la waa baɡɛ nyoa ŋɔ wɛɛ tomɔɔ ásɛ o ba lɛ yaa la dɛ́ ba waa nae. A ɡɛ waa la, kenii Korowii cheɡa a ba ɛ.