Amanesoma Luk Aa Chwera Tɔn 16:15 - mzwDBL

¹⁵ Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Amanesoma Luk Aa Chwera Tɔn 16:15 ပူးပေါင်းရင်းမြစ်များ

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

2 Webena 6:30

noa nyundua bela haa soɡa la, dɛ́ kpɔ kɛ ba. He ɡboo jemɛ nɛn bambile bini wa, che waa bɛlbwa aa ɛa ta dɛ́ tɛr o deŋne.

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Yela 49:13

Waa aa chɔ le dɛ tɛ nɛra baa dɛ hwɛɡɛ ba ɡbaɡba nɛɛ, ne nɛra baa teŋɛ ba nɛɛ dɛɛ no waa baa dɛ bol ta laanee.

Yela 49:18

Gɛ saŋ waa soɡe le la, dɛ o dɛ lii o te nɛn waa na som, nɛra ɛɛ kpɛɛro a wa aa,

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Sɛɡla 20:6

Nɛra ɡalɡa dɛ bol ŋɔ ba dɔ nyina saŋ bɛlbwa, kɛ umee dɛ́ won jemɛ nɛn o wa aa dɔ kasinteŋ ɔ?

Sɛɡla 21:2

Nɛwɛnyini dɛ lii kɛŋɔ o wobɛlbwa toɡrɔ o be, kɛ Korowiirii dɛɛ nyiŋi a bini.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Matiu 23:5

Ba we-ɛɛla bwa la, nɛraa baa nyin kɛ bá na ba dɛɛ tɛɛ ba duure. Gɛ nɛra yon chwerɛ Korowii wobol dɛ kpɔ vɔwɛ ba tili ne ba vaama ta la, hé na ɡɛ ba te kwaa yon do paɡri. Hé na ɡɛ ba batakaani nyoo jɔɔra aa dɛ do jaŋne.

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:2

Anomanta, dɛ he dɛ ba nɛn kon kɛɛ yaa, he bɛ kpɔ lɔ dawuro dɛ́ ɡel nɛra jemɛ, ɡɛ nɛra baa na nɛra sie mɔɔ dɛɛ ɛ waa yon dɛɛ ɛ cheremi deene ne fɔɡbaahna la. Ba te dɛ́ nyin kɛ nɛra na ba wedɛɛɡa ɛɛ dɛ́ kpɛɛ ba. Kasinteŋ, ba te dɔ ba kembɔr tonɛ.

Matiu 6:5

Yeesu berɔ ŋɔ, “He dɛ ba Korowii soŋa aa, he bɛ he te ɛ kɛŋɔ nɛra baa dɛ na nɛra sie mɔɔ dɛɛ ɛ waa la. Banee yon dɛɛ nyin cheremi deene ne fɔɡbaahna cheɡa dɛɛ soŋe Korowii, ásɛ nɛra na ba. Kasinteŋ, ba te dɔ ba kembɔr tonɛ.

Amanesoma Luk Aa Chwera Tɔn 10:29

Dɛ Tɔnjereme la dɛ nyin kɛ ó baɡle kɛ o te dɛ ɛ waa Yeesu aa bɔɔra la bwa, dɛ ŋɔ Yeesu be ŋɔ, “Umee n dɔŋ ɔ?”

Amanesoma Luk Aa Chwera Tɔn 11:39

Asɛ Yeesu ŋɔ o be ŋɔ, “He Farisii tena do kɛŋɔ baa loo numoli ne hɛne bwara dɛ ɡel a bini la. Nɛra sie ta waa ɡboo hɛɛ ɛ, kɛ he bambile bini te, wechɔɡa ne kwaa ta sibeɡra ɡboo he bwa.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 18:21

Anee baa la ŋɔ, “Gɛ saŋ maa ɛ bechala la bwaa n le dɛ teŋɛ anɔ bwa ta.”

Amanesoma Luk Aa Chwera Tɔn 18:9

Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ,

Amanesoma Luk Aa Chwera Tɔn 20:20

Anomanta, ba sie lɔ o nɛɛ baa kpaahno dɛ dɔɔ. Ba tɛ nɛra bane suuɡa, dɛ tom ba ŋɔ bá ka haɡre Yeesu bela webɔɔre ne, a do kɛŋɔ siswɛm waa baa bɔɔ, ásɛ dɛ dɔɔ lawɛ, dɛ́ kpɔɔ do Rom nomoa waa dɛ di ba harɛ la kpeɡri nɔn ta.

Amanesoma Luk Aa Chwera Tɔn 20:47

Ba sie beɡre kwa, dɛ yon kpɔ Korowii soŋa wobojaŋa ne tɔ sie dɛɛ kam kwaa luhaahna deremi. Korowii ɛɛ tɛr ba deŋnee taeh.”

Amanesoma Jɔn Aa Chwera Tɔn 2:25

A ta hiaih kɛ nɛn baɡlo ɡɛ nɛwɛnyini aa doa, dɛkalkɛŋɔ o ɡbaɡba jemɛ waa aa lɔ nɛn bambile bini.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

We-ɛɛla 1:18

Waa yoɡ Yeesu la, o kpɔ o tonchɔɡa la suuɡa dɛ ka yawɛ harɛ bɛl. A ɡɛ harɛ nɔ taa o chole, o tea pere, o looni le, asɛ o sewɛ.

We-ɛɛla 1:24

dɛ soŋe Korowii ŋɔ, “Ya Dɔɔ, hen jemɛ nomɛlbwa nyu bini. Anomanta, baɡle yaa nɛra banɛ nɔ bini onɔ la haa dɛ nyin

We-ɛɛla 15:8

Korowiirii jemɛ nomɛlbwa nyu bini, dɛ tɛɛ ba o Domadɛɛɡe ɡɛ waa tɛ yaa la, dɛ baɡle kɛ o nɛraa ba ɡe.

Tɔn Pɔɔl Aa Chwerɛ Rom Tena 3:20

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 8:27

Korowii te jemɛ nɛn bambile bini waa bwa, dɛ jemɛ o Domadɛɛɡe la nyu bini, dɛkalkɛŋɔ ɡɛ Korowii aa dɛ nyin la, ɡɛɛ o Domadɛɛɡe la soŋo dɛɛ tɛ o nɛra ba wa aa toɡra.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”