Amanesoma Luk Aa Chwera Tɔn 15:5 - mzwDBL

⁵ Dɛ naate na a ɡɛ pee nɔ naa, silɛɛ kohona nomanta, wɛɛ kpɔɔ dawɛ vam ba dem.

Amanesoma Luk Aa Chwera Tɔn 15:5 ပူးပေါင်းရင်းမြစ်များ

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Ɛsekeɛl 18:23

He dɛ lii kɛ n sie dɛ lɛ wechɔɡ-ɛɛ seo ta kɛɛ? Akai, n sie aa a ta lɛ. Ó le o wechɔɡa ta, dɛ́ dɔ o nyuu mɛɛ nyin.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 15:4

“He bini umee dɛ dɔ peera lafa, ásɛ beŋkpoŋ nyoɡraa, waa wola o bɔree ɡaaɡe ɔ? Wɛɛ ɡel fifraanuanaarɛ dɛ anuanaarɛ laanee a dibɔr tama, dɛ́ ka ɡaaɡe beŋkpoŋ waa nyoɡra la bɔr ka tel kɛŋɔ waa nao.

Amanesoma Luk Aa Chwera Tɔn 15:6

O ba dem aa, wɛɛ ŋɔ o daamanar ne nɛra o ne baa soɡa bwa bee ŋɔ, ‘N sie lɛo kohona kɛŋɔ maa na n pee waa nyoɡra nɔ. Anomanta, hé ba yá lɛ ya sie.’

Amanesoma Luk Aa Chwera Tɔn 19:9

Anee Yeesu ŋɔ o be ŋɔ, “Fini tɔpere nɔ, Korowii lɛ dem nɔ tena, dɛkalkɛŋɔ Abraham naa Sakeos ɡba.

Amanesoma Luk Aa Chwera Tɔn 23:43

Anee Yeesu chaŋo ŋɔ, “Kasinteŋ, hale fini, hɛɛ ja n nɛɛ nɛndɛɛɡa silɛɛ bwɛɛ nyundua belaa.”

Amanesoma Jɔn Aa Chwera Tɔn 15:11

N baɡle heyaa waa nɔ ásɛ he dɔ n silɛɛ dɔŋ, ásɛ he sie lɛ ka tonɛ.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 3:7

Amanesoma toma nɔɔ Korowii kpɔ tɛ mɛ. Sunaa o sune n nɛɛ kohona dɛ cha mɛ o kpeɡri ne, n won dɛɛ ɛ toma nɔ.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

2 Timoti 2:26

ásɛ ba sie ba harɛ bá chwa le Bɔnsam bel waa laɡ ba dɛ ɡel baa ɛ o waa waa dɛ nyin la ta, ásɛ dɛ dɔ ba te.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.