Amanesoma Luk Aa Chwera Tɔn 15:28 - mzwDBL

²⁸ Asɛ binomoa la baah di, o kire ŋɔ waa deemii jo. Asɛ o mɛɛ ba larawo ŋɔ ó ba dem.

Amanesoma Luk Aa Chwera Tɔn 15:28 ပူးပေါင်းရင်းမြစ်များ

Aesaya 65:5

Ba yon ŋɔ ba bala be ŋɔ, ‘He laa he te kpɔ ya nɛ, ya do ɡoroŋ, a ta chɛ kɛŋɔ hé leɡe yaa!’ N mee le ba nɛ, n bandia ɡe do ba nɛɛ kɛŋɔ, nii aa wola dime bwa ken.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Jeremia 35:16

Jonadab naanar teŋɛ waa ba nabaa aa bol ba be la ta, kɛ he ta n waa ta teŋɛ.’

Jona 4:9

Anee Korowii ŋɔ Jona be ŋɔ, “He dɔ ŋwɛnɛ kɛŋɔ he baah di juɡ nɔ wa aa?” Ate, Jona ŋɔ, “Ɔɔh. N baah diu kohona kɛŋɔ n sewɛ kwara.”

Matiu 20:11

Baa lɛ ba kembɔr la dɛ ba berɔ dɛɛ naɡre paa la waa ŋɔ,

Amanesoma Mak Aa Chwera Tɔn 1:40

Asɛ baa bɛl weechɔɡa aa ɛ o bwara ba Yeesu be, dɛ ba ɡuŋi harɛ dɛ soŋo ŋɔ, “Hɛɛ sɛoh waa, hɛɛ wonoo ɡel n bwara kwaa.”

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Amanesoma Luk Aa Chwera Tɔn 15:2

Anee Farisii tena ne Tɔnjerema bane ŋwalɔ dɛ ŋɔ, “Gɛ baa nɔ dɛ lɛ wechɔɡ-ɛɛra o ne ba yon pɛ nɔn dɛɛ di kwa.”

Amanesoma Luk Aa Chwera Tɔn 15:27

Anee o ŋɔ, ‘He nime la waa joa kaa la, onee bala, asɛ he mɛɛ ɡel ya kpo nabie la bwa bini ondɛɛɡe la dɛ ɛ kondikwaa dɛ di dɛɛ lɛ ya sie, dɛkalkɛŋɔ wobɛlbwa ta on ɛɛ.’

Amanesoma Luk Aa Chwera Tɔn 15:29

Belaa bie la ŋɔ o mɛɛ be ŋɔ, ‘N mɛɛ, n ɡe aa dena dɛɛ tomɛ saŋ la bwa, n ta he toma vɛɛh bwa, bɔkwa konee he tɛ mɛ nɔ? He ta bombie kwaraa lawɛ tɛ mɛ ŋɔ ń kpo n ɡe ne n daamanar kpɔ lɛ sie bwa.

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Amanesoma Luk Aa Chwera Tɔn 5:30

Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”

Amanesoma Luk Aa Chwera Tɔn 7:39

Belaa Farisii te la waa yerɛ Yeesu ŋɔ ó ba di kwaa la aa na a ɡɛ waa nɔ la, o lii o nyu bini ŋɔ, “Baa nɔ fe ɛ Korowii keame tenten naa, o fe jemɛ haah nɔ hahsoo waa dɛ leɡo nɔ. O fe jemɛ o wechɔɡa waa lɔ a ta bwɛɛ nɔ ta.”

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 14:2

Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.

Tɔn Pɔɔl Aa Chwerɛ Rom Tena 10:19

N berɔ dɛɛ bɔɔ ja. Israel tena fa ta noɛ yaa? Mosis tɔ sie chwerɛ waa Korowii aa bola, dɛ ŋɔ, “Mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.”

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

1 Samoɛl 17:28

Devid dɔɔ nomoa Eliab aa noa kɛŋɔ Devid ne baala la dɛ bol waa la, o baah di o nɛ, dɛ bɔɔro ŋɔ, “Bɔkwaa hɛɛ nyin bonɔ nɔ? Umee he kpɔ peera la kabora ja pua hɛŋle ɡbo harɛ ta bela wɛɛ nyiŋi a ta nɔ? N jemɛ ɡɛ haa dɛ ɡɔɔ he te, ne ɡɛ he bambile aa kpeɡa, he balɔ dɛ́ ba nyiŋi laa nɔ.”

1 Samoɛl 18:8

Gɛ waa nɔ ta Kooro Sɔɔl som doe, o baah di dɛ ŋɔ, “Ba ŋɔ Devid kpo nɛra kaɡboŋa fi, asɛ n te kpo nɛra kaɡboŋ ɡbo. Onee baa ba lawa cheɡ kora ta.”