Amanesoma Luk Aa Chwera Tɔn 15:22 - mzwDBL

²² Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Amanesoma Luk Aa Chwera Tɔn 15:22 ပူးပေါင်းရင်းမြစ်များ

Mumpar 41:42

Kooro laa o noniseɡ o nyanyini kon aa dawɛ o ta la foo do Josef, dɛ kpɔ yapondɛɛɡe batakaare ɡe doo, dɛ kpɔ suuɡaswɛm jɔɡrɔre baŋa kwaa ɡe do o baŋa.

Ɛsta 3:10

Belaa kooro sɛh, dɛ foo o noniseɡ waa kpɔa dɛɛ ɛɡɛ tɔn ta la, dɛ ɛ mmara la, dɛ kpɔ tɛ Hamedata bibaa Heeman waa hah Juu tena kohona la.

Ɛsta 8:2

Kooro laa o noniseɡ waa kpɔa dɛɛ ɛɡre tɔne ta aa ɛ mmarare o faa kpɔ tɛ Heeman la foo, dɛ kpɔ tɛ Mɔdekae. O haah Ɛsta kpɔ Heeman kondɔɔh la bwa ɡe do Mɔdekae nɔn ta.

Yela 132:16

Mɛɛ swee Saayɔn sɔfore andɛɛɡaa wobɛlbwa baa dɛ ɛ ta, ásɛ o nɛra ba wa aa toɡra ɛɛ ɡo silɛɛ yela saŋ bɛlbwa.

Yela 132:9

Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe do lɔŋɔre silɛɛ ne.

Yela 18:33

O ɡelɔ n nakpala do kɛŋɔ welo kwaa ken, dɛ ɡel n won bwejena dor cheɡa.

Yela 45:13

Kooro hanfale lɔ koodem, o wer dɔŋ toole, ba kpɔ suuɡaswɛm ŋwɛɛra sɔh ja ŋwɛɛra baa kpɔa sɔh o batakaarejaŋ la ta.

Yelsom 7:1

Koobie, toldɛɛɡe, na ɡɛ he nakpale ne naŋɡawa aa wera. He nakpale dɔ pɛla kɛŋɔ, bwedɛɛɡa a yoɡ aa kpeɡa. A do kɛŋɔ nɛra baa dɔ kwaa sɛɛh wejema aa ɛa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Amanesoma Luk Aa Chwera Tɔn 15:21

Belaa bie la ŋɔ, ‘N mɛɛ, n jo he ne Korowii nɛ. N ta chɛɛ kɛŋɔ he yer mɛ he bie kpa.’

Amanesoma Luk Aa Chwera Tɔn 15:23

He tonaa, hé ka lawɛ nabie la bwa bini ondɛɛɡe dɛ́ ba kpo, ásɛ ya di kwa, dɛ́ lɛ ya sie,

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

Ɛfesos 6:15

dɛ́ kpɔ Amanesoma la aa dɛ baɡle nyopɛo dɔe la do he nakpale,

Mmarare 33:25

Gel ba kpɔ bune kaɡre ba bwɛɛre doonyoo a do kpeɡri. Bɛ ɡel wechɔɡa bɛlbwa ba ba nɛ.’

Wepila 19:8

Ba kpɔ yapondɛɛɡe kpelkpel tɛo ó tɔ.”

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

Wepila 6:11

Dɛ ba tɛ bɛlbwa yapoŋ ó tɔ, dɛ ŋɔ báa onɛ tama ka tel kɛŋɔ ba bala Korowii bonɔɔna ne toli baa dɛ ba ba ɡe kpoora kɛŋɔ ban la nyoa aa chiɡa.

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,