Amanesoma Luk Aa Chwera Tɔn 14:21 - mzwDBL

²¹ Asɛ bonɔɔ la la dɛ ka ŋɔ o dɔɔ la be ɡɛ baa bola la. Anee o dɔɔ la baah di, o ŋɔ o bonɔɔ la be ŋɔ, ‘Ɛ warane kaa fɔɡbaah ne lomoola ta, dɛ́ ka yerɛ nyaara ne boobie ne nyoŋa ne nɛra ba nakpale aa teŋna ásɛ ba ba di kwaa la.’

Amanesoma Luk Aa Chwera Tɔn 14:21 ပူးပေါင်းရင်းမြစ်များ

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 38:7

N nyaŋ dɛ nyaa mɛ, dɛɛ wee mɛ, n bokpeɡa tonɛ.

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Sekaria 11:11

Fɔo la chɔɡɔ awola tɔpere, asɛ peera baa dɛ fiiɡa la ɛɛ nyiŋ mɛ, dɛ na kɛŋɔ Korowiirii bol ɡɛ waa maa ɛa la.

Sekaria 11:7

Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 15:12

Anee o habɔteŋra la ba o be dɛ ba ŋɔ, “He jemɔ kɛŋɔ he waa nɔ haa bola nɔ jo Farisii tena nɔ bini kenɛ?”

Matiu 18:31

O bonɔndɔŋa la aa na waa aa chiɡa la, a we ba nɛɛ taeh, asɛ ba ka taa waa la baɡle ba bwa dɔɔ kooro la.

Matiu 20:7

Belaa ba chaŋo ŋɔ, ‘Nomɛlbwa ta yaa o toma ta kpɔe.’ Anee baa la ŋɔ, ‘Gɛɛ te naa, hé ɡe kaa n koo ta bela ka ɛ toma.’

Amanesoma Luk Aa Chwera Tɔn 14:13

Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,

Amanesoma Luk Aa Chwera Tɔn 14:20

Bɛl ɡe ŋɔ waa mo haah ta biɡre, anomanta, waa won ba.

Amanesoma Luk Aa Chwera Tɔn 14:22

A ta biɡre bɛlbwa bonɔɔ la ba dɛ ba ŋɔ o dɔɔ la be ŋɔ, ‘N la he tom la, kɛ sobɔra ane ta chɔ le pɛɛpɛɛ.’

Amanesoma Luk Aa Chwera Tɔn 14:24

Kasinteŋ, n dɛ ŋɔ he be, nɛra n fa aa yer ba la bini bɛlbwa aa n kondikwaa nɔɔ di kpa!’ ”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Amanesoma Luk Aa Chwera Tɔn 9:10

Yeesu toroma la balɔ dɛ ba bol waa baa kaa ɛ o be, asɛ o kpɔ ba le nɛnlaa la bini ba kaa bwɛɛ bɛl baa dɛ yerɔ Bɛtsaeda la ta.

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

1 Samoɛl 25:12

Ate, Devid bonɔɔna la berɛ ba o be, dɛ ba bol wobɛlbwa Nabal aa bola la.