Amanesoma Luk Aa Chwera Tɔn 14:13 - mzwDBL

¹³ Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,

Amanesoma Luk Aa Chwera Tɔn 14:13 ပူးပေါင်းရင်းမြစ်များ

Amanesoma Luk Aa Chwera Tɔn 14:21

Asɛ bonɔɔ la la dɛ ka ŋɔ o dɔɔ la be ɡɛ baa bola la. Anee o dɔɔ la baah di, o ŋɔ o bonɔɔ la be ŋɔ, ‘Ɛ warane kaa fɔɡbaah ne lomoola ta, dɛ́ ka yerɛ nyaara ne boobie ne nyoŋa ne nɛra ba nakpale aa teŋna ásɛ ba ba di kwaa la.’

Aesaya 58:10

dɛ tɛ nɛn waa chɔ lɔr kondikwa, dɛ tɛ nɛn waa dɛ na wahala o konnyini aa, ate, biro ɛɛ berɛ bochaahnee tɛ heya.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Hibru 13:2

He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Matiu 22:10

Asɛ bonɔɔna la le kaa fɔɡbaahna, dɛ ka yerɛ nɛra baa na ba la bwa. Nɛndɛɛɡa ne nɛnchɔɡa bwaa ba yerɛ, asɛ nɛra su bela baa lawɛ hanfale la maa ken.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

Job Tɔn 29:13

Nɛra baa cheɡɛ seo nyoa soŋe andɛɛɡa tɛ mɛ, n ɡel luhaahna baah sɔɔh ba.

Nehemia 8:12

Ate, nɛra la bwa la ka di kwaa la dɛ nyɔ sen silɛɛ kohona ne, dɛ kpɔ ane kɛ banɔ la baa wola dɔe, dɛkalkɛ ba no waa baa bola baɡ ba la mun kɛrɛdɛ.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

2 Samoɛl 6:19

Belaa o kpɔ paanoo ne daa nɔna ane aa hola dɛ ɛ nɔndel, dɛ ɡrepo daa nɔna aa hola nɔndel tɛ Israel haah ne baa te bɛlbwa. Asɛ bɛlbwa berɛ kaa o dem.

Taetos 1:8

A chɛ kɛ o ɛ nɛn waa dɛ nyin hɔɔhra lɛɛ, dɛɛ nyin wedɛɛɡa, dɛ dɔ nfɛrɛ kɛrɛdɛ, o waa do kaih, wedoŋa bɛlbwa aa wola toole o nɛ, wɛɛ lawɛ o te kɛrɛdɛ.

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

We-ɛɛla 9:39

Toroma la aa laŋa la, Pita kpɔ o te dɛ puu ba kaa. Waa laŋa la, ba kpɔɔ deeh abrɔsane la. Dɛ luhaahna baa lɔ bela la bwa baa chwa baro dɛɛ wi, dɛ kpɔ batakaani ne yale Tabita aa sɔah ɡɛ saŋ waa wola sewɛ mɔɔ la dɛɛ baɡle Pita.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Matiu 15:30

asɛ nɛnlaa tenten ba o be, dɛ kpɔ weela tena ba peri aa serewa, ne nyoŋa ne boobie ne amumure, dɛ nɛra baa dɛ we weela bwa soo siwi ba bil o sie, asɛ o chaah ba.

Amanesoma Luk Aa Chwera Tɔn 14:12

Yeesu aa bol ɡɛ waa nɔ tonɛ la, o ŋɔ baa la waa yer ba ŋɔ bá ba di kwaa la be ŋɔ, “Dɛ he ɛ kondikonjena webaŋa kɛɛ jwaana dɛɛ yerɛ nɛra ŋɔ bá ba di aa, bɛ he daamanar, he nimanar, he lola, kɛɛ he dɔŋa kondɔɔhna ɡbo yerɛ, dɛkalkɛŋɔ ba ɡee ɛ anee dɛ́ yerɛ, amɔ dɛ he kwaa la kemee ba bɔe la.

Amanesoma Luk Aa Chwera Tɔn 14:14

ásɛ Korowii ɛɛ andɛɛɡa, dɛkalkɛ ba ta komɛlbwa dɔe dɛ kpɔ bɔe kem. Awola nɛndɛɛɡa ba wa aa dɛ su Korowii siwi aa ir seo ta la, Korowii ɛɛ bɔe a kemee.”