Amanesoma Luk Aa Chwera Tɔn 13:7 - mzwDBL

⁷ Anee o ŋɔ nɛn waa kpɔɔ wɛɛ nyiŋi bodɛɛɡe waa du daa la ta la be ŋɔ, ‘Na, bene atoroo nɔ maa dɛ ba bonɔ dɛ baa nyin daa nɔ nɔna, kɛ maa ane dɔ. Anomanta, teŋo ta! Ɛrɛɛ o che bonɔ dɛ lɛ bɔr dɛɛ ɛɔ?’

Amanesoma Luk Aa Chwera Tɔn 13:7 ပူးပေါင်းရင်းမြစ်များ

Matiu 7:19

Daa bɛlbwa waa wola nɔndɛɛɡa nɔnɛ la, baa teŋo ta dɛ́ fuuh.

Amanesoma Luk Aa Chwera Tɔn 3:9

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.”

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Kaala 32:10

Anomanta, ɡel mɛ jeiih ken. N baah ɛɛ di ba nɛɛ taeh ásɛ n chɔɡ ba. Kɛ he te, mɛɛ ɡeloo he naanar ya, dɛ́ warɛ su harɛ ta bwa.”

Daneɛl 4:14

O kpɔ takpeɡ ŋɔ, “Hé teŋe daa la ta dɛ́ choo o kpala, dɛ́ nɛɛ o papooni le o kpala la ta, dɛ́ nɔr o nɔna la merɛ. Hé doŋi kpɔɡ bini ola la le o chunchule ta, ásɛ dɛ doŋi jumbii la ɡe le o kpala ta.

Lewi Dea Tena 19:23

He baa tel Keenan harɛ ta dɛ du daa aa dɛ nɔnɛ aa, bene atoro aa tɔ sie la chɛ kɛŋɔ hé ki a nɔna bɛlbwa aa nɔnɛ la. A ta chɛ kɛŋɔ hé di daa la nɔn bɛlbwa a ɡɛ bene atoro nɔ ta, dɛkalkɛ aa were tɛ heyaa kɛŋɔ hé dia.

Lewi Dea Tena 25:21

Mɛɛ ɡeloo harɛ la do wer kohona bennumɛl la ta, ásɛ kondikwaa aa le o ta ba la won tel heya bene atoro.

Amanesoma Luk Aa Chwera Tɔn 13:8

Asɛ nɛn waa dɛ nyiŋi bodɛɛɡe baa du daa o ta la ŋɔ, ‘N Dɔɔ, ɡel o che benanyoa beŋkpoŋ ja yá na. Mɛɛ kwi o munii dɛ́ che nabena do o mun ta.