Amanesoma Luk Aa Chwera Tɔn 13:34 - mzwDBL

³⁴ Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Amanesoma Luk Aa Chwera Tɔn 13:34 ပူးပေါင်းရင်းမြစ်များ

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Yela 17:8

Tɔ mɛ ɡbemɡbe kɛŋɔ, haa dɛ tɔ n siwinyiŋi ta la, kpɔ mɛ sɔh he kena lɔɡre kɛŋɔ, jal yon lawɛ o bii do lɔɡa la ken.

Yela 36:7

Na ɡɛ he nyina aa wola jaɡa dɔe aa wera! He kena lɔɡree ya chwa baa sɔh, kɛŋɔ jal yon lawɛ o bii, do o kena lɔɡre la.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 81:13

N dɛ nyin kɛ n nɛra fe aa no n deŋna wa, ásɛ dɛɛ teŋɛ n waa ta.

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Aesaya 30:15

Waa Nemenɛ Korowii, Israel Nɛŋɡoroŋ aa bol nɛra la bee nɔ. “Hé berɛ ba n be, dɛ́ kpɔ he hwɛɡa dawɛ n nɛ, ásɛ n lɛ heya, dɛ́ kpɔ nɔn tɔ he nɛ. Kɛ he vɛoh, he ta balɛ.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 26:23

Ba lawɛ Uria le Ijipt harɛ dɛ kpɔɔ ka tɛ Kooro Jehoiakim, asɛ o kpoo dɛ kpɔ o chɔɔ la ka ta bela baa dɛ huɡe nɛmpɛɛne la.

Jeremia 35:14

Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ.

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Hosia 11:2

Kɛ maa teŋa dɛɛ yerɔ la, dɛ ɡɛɛ o teŋɛ dɛ jo dɛɛ kaa. N nɛra kpoo kwaa tɛ voɡa Baalre, dɛ fuh daawiile a sɔɔh aa soma tɛ voɡa.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Matiu 22:3

O tomɛ o bonɔɔna ŋɔ bá ka yerɛ nɛra waa yer ba ŋɔ bá ba di hanfale kondikwaa la, asɛ ba sie ta on sui dɛ vɛh bala.

Matiu 22:6

asɛ ba kar la ɡe lawɛ o bonɔɔna waa tom ba la dɛ ɛɛ ba hɔhɔrɔwa dɛ kpoo ba.

Amanesoma Luk Aa Chwera Tɔn 15:28

Asɛ binomoa la baah di, o kire ŋɔ waa deemii jo. Asɛ o mɛɛ ba larawo ŋɔ ó ba dem.

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”

Amanesoma Luk Aa Chwera Tɔn 23:28

Asɛ Yeesu berɛ o te dɛ ŋɔ, “Jerusalam haahna, he bɛ wi tɛ mɛ. He wi tɛ he te ne he bii,

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

We-ɛɛla 7:59

Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

We-ɛɛla 8:1

Baa kpo Steeven la, Sɔɔl sɛoh ŋɔ o chɛ kpoe. Awola tɔpere la ba fiiɡi asɔre tena baa lɔ Jerusalam la, asɛ ba chwa peɡre Juda harɛ ne Samaria harɛ bwɛɛre la ta. Yeesu toroma la ɡboo wola chwae.

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”