Amanesoma Luk Aa Chwera Tɔn 13:33 - mzwDBL

³³ Mɛɛ sewɔɔ te, kɛ a chɛ kɛ ń valɛ ŋwɛnɛ tɔpera anɛ dɛ́ kaa Jerusalam. Bela laa baa kpoo Korowii keamere aa?

Amanesoma Luk Aa Chwera Tɔn 13:33 ပူးပေါင်းရင်းမြစ်များ

Amanesoma Luk Aa Chwera Tɔn 9:53

O sie aa chaɡɛ Jerusalam la nomanta, bela tena ta on lɛɛ.

Matiu 21:11

Anee nɛnlaa la ŋɔ, “Korowii keamee. Yeesu waa le Nasarɛt waa lɔ Galilia harɛ ta laanee.”

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

Matiu 20:18

“Hɛ́ɛ no n be. Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ.

Amanesoma Jɔn Aa Chwera Tɔn 11:54

Anomanta, dɛ waa o te kpɔe dɛɛ jo Juu tena la bini kpa. O joɔ kaa pua hɛŋle ɡbo harɛ bwɛɛ bɛl baa dɛ yerɔ Efrem ta, asɛ o ne o habɔteŋra la ka so bela.

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

Amanesoma Jɔn Aa Chwera Tɔn 11:9

Anee o chaŋe ŋɔ, “Le chɔɔ wee aa le ka tel jɔmɔra wee aa jo la, dɔŋhwere fi dɛ anɛ laa aa? Dɛ bɔr chaahnɔ nɛn ɛɛ valaa, waa naa lɔ bwa, dɛkalkɛ wee leɔ bɔr chaah.