Amanesoma Luk Aa Chwera Tɔn 13:28 - mzwDBL

²⁸ Bela la, hɛɛ na Abraham ne Aesek ne Jekɔb dɛ Korowii keamere la bwa Korowii Kora la taa, ásɛ Korowii doŋi he te ta. Belaa aa ba he nɛɛ wee, ásɛ hɛɛ wi.

Amanesoma Luk Aa Chwera Tɔn 13:28 ပူးပေါင်းရင်းမြစ်များ

Matiu 25:30

Bonɔnsala nɔ te, hé kpɔɔ le dahara ka ta biro ta, belaa wii ne weweele do.’ ”

Matiu 22:13

Anee kooro la den ŋɔ o bonɔɔna la be ŋɔ, ‘Hé vɔrɔwe baa nɔ nɔɔra ne o nakpale, dɛ́ kpɔɔ ka ta dahara biro ta. Belaa wii ne weweele do.’ ”

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

2 Tesalonika 1:5

He we-ɛɛla baɡlɔ kɛrɛdɛ kɛŋɔ Korowii bole waa pa heyaa la toɡrɔ. Haa koh o Kora waa dɛɛ na hɔhɔrɔwa nɔ, anee dɛ́ baɡle kɛŋɔ he chɛ o Kora la ta jae.

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.

Amanesoma Luk Aa Chwera Tɔn 16:23

asɛ o ka jo Bɔnsam nii ta. Dɛ o dɛ na nii taeh. On ŋɔa o nyiŋi, dɛ na Abraham bojaŋ le, asɛ Lasorɔs so o be.

Amanesoma Luk Aa Chwera Tɔn 14:15

Nɛra Yeesu ne baa soɡe kondibɔr la bɛl no ɡɛ waa la, dɛ ŋɔ Yeesu be ŋɔ, “Nɛra baa ba ja Korowii Kora la ta dɛ́ di kwaa la, ba sie ɛɛ lɛo kɛrɛdɛ!”

Amanesoma Luk Aa Chwera Tɔn 10:15

Asɛ he Kapeeneɔm tena ɡe, ɛrɛɛ chɛ kɛŋɔ ń bol he waɔ? He dɛ nyin kɛ he ir kaa Korowii be nyundua kɛɛ? Hɛɛ ba harɛɛ Bɔnsam nii taa.”

Matiu 24:51

dɛ́ tɛr o deŋne taeh, dɛ́ doŋu ka pu nɛra baa dɛ nyiŋi nɛra siebɔr mɔɔ dɛɛ ɛ waa la. Belaa wɛɛ ba doe dɛɛ wi dɛɛ na weweele.”

Matiu 13:50

ásɛ dɛ kpɔ nɛnchɔɡa la ka ta ninlao ta. Belaa wii ne weweele do.”

Matiu 13:42

dɛ́ kpɔ ba ka ta ninlao ta, belaa wii ne weweele do.

Yela 112:10

Nyubinikpeɡ tena ɛɛ nao ba baah di kohona, ásɛ ba liire chɔɡ ba che dɛɛ nyiŋi ba hwɛɡa ta pɛɛ.