Amanesoma Luk Aa Chwera Tɔn 13:27 - mzwDBL

²⁷ Ásɛ o berɛ ŋɔ he be ja ŋɔ, ‘N ŋɔ maa heyaa jemɛ bobɛlbwa. Hé le n nɛɛ kaa, nɛnchɔɡa bane!’

Amanesoma Luk Aa Chwera Tɔn 13:27 ပူးပေါင်းရင်းမြစ်များ

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 101:8

Mɛɛ dɛɛ kpoo nɛra ba nyu bini aa kpeɡa harɛ nɔ ta tɔpere bɛlbwaa. Mɛɛ doŋi wechɔɡ-ɛɛra bwaa le Korowii bwɛjen nɔ taa.

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 28:3

Bɛ pɛ pa n ne nyubinikpeɡ tena bolchɔɡe, nɛra baa dɛ ɛ wechɔɡa la, ba nyoa wobol som ba bala be, kɛ dɛ dɔ liichɔɡa ba nyu bini la.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Yela 6:8

Wechɔɡ-ɛɛra, hé le n sie! N Naa Korowii, no n wii.

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

Matiu 25:12

Anee hanfale jaa la ŋɔ, ‘Kasinteŋ, maa heyaa jemɛ.’ ”

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Amanesoma Luk Aa Chwera Tɔn 13:25

Dem te la ɛɛ iruu dɛ́ ba laa ɡbera la tɔ, a ka heyaa che baŋ, ásɛ hɛɛ lɔ ɡbera dɛɛ soŋo ŋɔ, ‘N poori, nomoa! Laa ɡbera ya yaa ásɛ ya jo.’ Ásɛ o ŋɔ he be ŋɔ, ‘Maa heyaa jemɛ bobɛlbwa.’

1 Kɔrent 8:3

Naate waa dɛ nyin Korowii la te, Korowii ɡba jemɔ.

Galaasia 4:9

Taraken nɔ haa jemɛ Korowii nɔ, kɛɛ taraken nɔ Korowii aa jemɛ heyaa nɔ, ɛrɛɛ a ɛ asɛ he berɛ dɛɛ nyin he berɛ habɔɔ, dɛ́ kpɔ he te tɛ kwaa aa wola kpeɡri bɛlbwa dɔe, ne waa aa dɔ wesoma nɔɔ? Ɛrɛɛ he berɛ dɛɛ nyin he kpɔ he te tɛa ásɛ a vɔrɔwe heyaa ja nɔɔ?

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”