Amanesoma Luk Aa Chwera Tɔn 13:24 - mzwDBL

²⁴ “Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

Amanesoma Luk Aa Chwera Tɔn 13:24 ပူးပေါင်းရင်းမြစ်များ

Sɛɡla 14:6

Nɛn waa dɛ mamɛ wejemwaa la aa waa jemɛ, kɛ nɛn waa dɛ no waa mun te, dɛ́ jemɛ waa warane.

Sɛɡla 21:25

Bɔhwaah pɛla konee dɛɛ kpoo, dɛkalkɛ waa toma ɛɛ nyin.

Wejereme 10:15

Gɛne dɛ koh o toma ta, waa jemɛ ɡɛ waa ɛ dɛ́ kaa bobɛlbwa.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Matiu 11:12

Dɛ le saŋ la Jɔn aa lea dɛɛ bol Korowii Kora nɔ waa la, nɛra sie beɡrɔ ba kpɔ sibeɡra dɛɛ nyin dɛ́ ja o Kora la ta.

Amanesoma Luk Aa Chwera Tɔn 13:23

Anee nomɛl bɔɔro ŋɔ, “N Dɔɔ, nɛra tama kenii Korowii ɛɛ ba lɛɛ yaa?” Asɛ Yeesu ŋɔ ba be ŋɔ,

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Jɔn Aa Chwera Tɔn 13:33

N bii, maa he be bonɔɔ biɡri bɛlbwa. Hɛɛ baa nyin n bɔree. Gɛ maa bol Juu tena nomonome be laanee mɛɛ bol he be la. Anee kɛŋɔ haa won ba bela maa dɛ kaa la.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Amanesoma Jɔn Aa Chwera Tɔn 7:34

Hɛɛ baa nyin n bɔree, kɛ haa men na, dɛkalkɛ bela maa do la, haa won ba bela.”

Amanesoma Jɔn Aa Chwera Tɔn 8:21

Asɛ Yeesu berɛ bol waa baɡle nɛra la ja ŋɔ, “Mɛɛ ba kaaloo he ɡaaɡe dɛɛ nyin n bɔr, kɛ haa men na. He wechɔɡa taa hɛɛ ba sewa. Bela maa kaa la, haa won ba bela.”

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Josua 7:3

Baa bera ba la, ba ŋɔ Josua be ŋɔ, “Ya bwa laa chɛ kɛŋɔ yá ka pu Ai tena yo, baa kanɛ. Gel nɛra kaɡboŋa banɛ kɛɛ batoro ka yoo ba, ya bwa bɛ koh ta pɛɛ.”

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.