Amanesoma Luk Aa Chwera Tɔn 13:14 - mzwDBL

¹⁴ Cheremi dea bela nomoa la baah diu kɛ Yeesu aa chah nɛn Ona Tɔpere ta la, dɛ ŋɔ nɛra la aa lɔ bela la be ŋɔ, “Tɔpera anumɛlee chɛ kɛŋɔ yá kpɔ dɛɛ ɛ toma. Anomanta, a ɡɛ tɔpera la taa chɛ kɛ hé baa chah he weela, kɛ Ona Tɔpere te ta laa!”

Amanesoma Luk Aa Chwera Tɔn 13:14 ပူးပေါင်းရင်းမြစ်များ

Kaala 20:9

Tɔpera anumɛlee hé dɔ kɛŋɔ hé ɛ he toma bɛlbwa,

Kaala 23:12

Tɔpera anumɛlee hé dɔ kɛ he ɛ toma, kɛ tɔpenuanɛ wee ta te, he bɛ toma bɛlbwa ɛ, ásɛ he nabala ne keeɡore ne nɛndɔɔla baa lol ba he deremi dɛ nɛŋhɔɔhra ɡe won dɔ bɔr onɛ.

Ɛsekeɛl 20:12

N ŋɔ baa di Ona Tɔpera la a ɛ fɔo dɛ́ chɔ n ne ba baah, dɛ́ lii kɛŋɔ men Korowiirii ɛɛ ba ba do ɡoroŋ.

Ɛsekeɛl 34:21

He taɡɛ n peera aa ɡwɛɡra la vaama ne, dɛ chuɡra nyeɡlare ne ka ta,

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Matiu 12:2

Farisii tena la aa na ɡɛ la, ba ŋɔ Yeesu be ŋɔ, “Nyiŋi na! He habɔteŋra la dɛ ɛ toma dɛɛ koni ya Ona Tɔpere Mmara la.”

Amanesoma Mak Aa Chwera Tɔn 5:22

Belaa cheremi dea nomonome la bɛl baa dɛ yerɔ Jaerɔs ba bela dɛ ba na Yeesu, dɛ ɡuŋi o sie dɛ lawɛ o nakpala,

Amanesoma Luk Aa Chwera Tɔn 6:11

Belaa Tɔnjerema la ne Farisii tena la baah di baa bol dɔŋa be ɡɛ aa chɛ kɛ bá ɛ Yeesu.

Amanesoma Luk Aa Chwera Tɔn 6:7

Dɛ Tɔnjerema ne Farisii tena lole dɛɛ nyiŋi Yeesu kɛ wɛɛ chah baa laanee Ona Tɔpere la ta, ásɛ ba dɔ o waa dɛ́ bol.

Amanesoma Luk Aa Chwera Tɔn 8:41

Belaa cheremi dea nomoa bɛl baa dɛ yerɔ Jaerɔs ba, dɛ ba ɡuŋi Yeesu sie, dɛ soŋo ŋɔ o dɛ nyinu o dem.

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

We-ɛɛla 18:17

Belaa ba lawɛ cheremi dea nomoa baa dɛ yerɔ Sɔɔstenes la, dɛ lɔɔro Galio kɔɔto dea la sie tenten, kɛ Galio ta ban chaŋɛ kwara.

We-ɛɛla 18:8

Dɛ nomoa waa dɛ nyiŋi cheremi dea la ta la sɔne Krispus. Dɛ o ne o dem tena bwa yarada Yeesu waa la. Kɔrent tena kɛrɛdɛ no Yeesu waa la dɛ yaradaa, asɛ ba sɔ ba Korowii ne.

Tɔn Pɔɔl Aa Chwerɛ Rom Tena 10:2

Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

Mmarare 5:13

Tɔpera anumɛlee he dɔ kɛŋɔ hé ɛ he toma bɛlbwa,