Amanesoma Luk Aa Chwera Tɔn 12:58 - mzwDBL

⁵⁸ Dɛ he ne he dɔŋ dɔɔ, asɛ o kpɔe dɛɛ kaa kɔɔto aa, larawe naate he ne o pɛ. Dɛ ɡɛ laa, o tel he ne bela aa, kɔɔto nomoa waa dɛ pa bole la dɛ ba he kpɔe dɛ́ tɛ prosiri, ásɛ ba ka doe dea.

Amanesoma Luk Aa Chwera Tɔn 12:58 ပူးပေါင်းရင်းမြစ်များ

Job Tɔn 22:21

Job, kpɔ he te tɛ Korowii, ásɛ he bwara sɔɔhne, he ɛ ɡɛ naa, wobɛlbwa ɛɛ do werii tɛɛ.

Job Tɔn 23:7

N waa toɡra nomanta, awola mɛɛ kpɔ n waa bil o sie, ó pa mɛ bole dɛ́ lee mɛ ta kwaraa.

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Aesaya 55:6

Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Matiu 18:30

Bonɔɔ la ta o dɔŋ la sum nae, dɛ ɡel ba ka doo dea dɛ ka tel saŋ waa bɔ kem la mɔɔ.

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

1 Pita 3:19

O lileo la lala baa vɔɡ ba Lalabwɛɛ la be, dɛ ka bol Korowii Waa ba be.

2 Pita 1:15

Mɛɛ takapɔɔ dɛ́ ɛ ɡɛ bwa maa won ɛ, ásɛ dɛ n ba toole kwaraa naa, he won dɛɛ lii waa nɔ saŋ bɛlbwa.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.

Wepila 20:7

Dɛ bene kaɡboŋ la telaa, baa pur Bɔnsamee dɛ́ yao ta.