Amanesoma Luk Aa Chwera Tɔn 12:48 - mzwDBL

⁴⁸ Kɛ bonɔɔ waa wola ɡɛ o dɔɔ aa dɛ nyin jemɛ, dɛ ɛ lɔɔra waa la, baa lɔɔroo tamaa ken dɛ́ kpɔ tɛr o deŋne. Nɛn Korowii aa chao o jemɛ waa kohona la nɛɛ o kpɔ wedamanta ɛɛ dawɛ. Nɛn baa kpɔ waa do o nɔn ta kohona la bee baa bɔɔ waa kohona.

Amanesoma Luk Aa Chwera Tɔn 12:48 ပူးပေါင်းရင်းမြစ်များ

Jems 3:1

Yabala, he bwa laa chɛ kɛ he ɡel he sie beɡre Korowii waa baɡla ta, dɛkalkɛ ɡɛ haa jema la, ya nɛra yaa dɛ baɡle Korowii waa la waa binii wɛɛ ba nyiŋa kɛrɛdɛ ɡwaa nɛra baa kaa la.

Lewi Dea Tena 5:17

Dɛ nomɛlbwa jo waa maa do ba ŋɔ ba bɛ ɛ la bini bɛlbwa ta hale dɛ o ta nae yaa, dɛ o di bolchɔɡe dɛ chɛ deŋnetɛra.

Amanesoma Jɔn Aa Chwera Tɔn 15:22

N fe ta balɛ dɛ ba bol waa chaɡ ba aa, ba fe aa bolchɔɡee di. Kɛ taraken baa noa dɛ laa ba liire kpɔ a ta nomanta, ba ta nyoa dɔe dɛ́ bol le kpa.

Matiu 13:12

Anomanta, naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

Amanesoma Luk Aa Chwera Tɔn 16:2

Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

1 Timoti 6:20

Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Nɛra Kura 15:27

Kɛ dɛ nɛmbeŋkpoŋ ta saahnɛ dɛ ɛ wechɔɡa aa, a chɛ kɛ ó kpɔ bohlor waa di benanyoa ba ɛ wechɔɡa kpɔe dɛ kɛ saraha.

Mmarare 25:2

Dɛ bolchɔɡe te la chɛ lɔɔra aa, nomoa waa bol waa la ɡel ó chɔ harɛ, ásɛ ba lɔɔro chweema ne o siwi ta. O wechɔɡa waa ɛa la taa a chɛ kɛ bá nyiŋi dɛ́ lɔɔro.

Amanesoma Luk Aa Chwera Tɔn 12:41

Anee Pita ŋɔ, “N Dɔɔ, yanee hɛɛ sɛɡle nɔ kɛɛ nomɛlbwa jao wɔ?”

Amanesoma Luk Aa Chwera Tɔn 12:49

N balɔ dɛ́ ba kpɔ nii ta harɛ nɔ ta ó fuh. Dɛ nii la fe dɔɔ dɛɛ hɔ aa, a fe ɛɛ do n somee taeh.

Matiu 23:14

He tɔ Korowii Kora la ŋwɛnɛ. Heyaa nɔɔ haa jo, he ɡe aa ŋwɛnɛɛ tɛ ásɛ banɔ la baa dɛ nyin bɔr dɛ́ jo la dɔ bɔr.