Amanesoma Luk Aa Chwera Tɔn 12:37 - mzwDBL

³⁷ Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Luk Aa Chwera Tɔn 12:37 ပူးပေါင်းရင်းမြစ်များ

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Jeremia 32:41

N sie ɛɛ lɛo kɛŋɔ mɛɛ ɛɛ ba wedɛɛɡaa, dɛ́ ɡel ba so harɛ nɔ ta saŋ bɛlbwa dɛɛ la.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Matiu 24:42

Anomanta, hɛ́ɛ do dɛɛɡɔ, dɛkalkɛ haa tɔpere la ne saŋ la he Dɔɔ la aa ba jemɛ.

Amanesoma Luk Aa Chwera Tɔn 12:36

kɛŋɔ bonɔɔna ba dɔɔ aa kaa hanfale chema asɛ ba so kpao, ásɛ dɛ o balɔ dɛ ba lɔ ɡbera aa, buɡ la ta, ba yao la.

Amanesoma Luk Aa Chwera Tɔn 12:43

Dɛ bonɔɔ la dɔɔ la baa puu, dɛ o dɛ ɛ ɡɛ waa kpɔa do o nɔn ta la aa, bonɔɔ la sie ɛɛ lɛo.

Amanesoma Luk Aa Chwera Tɔn 17:8

Akai! Haa o be ɡɛɛ ŋɔ. Hɛɛ ŋɔ o bee ŋɔ, ‘Ɛ n kondikwaa ka cheɡ mɛ, ásɛ dɛ kpɔ he te ba che n be tiɡ ta, dɛ́ ɛ n wobɛlbwa tɛ mɛ ń di kwaa tonɛ mɔɔ he ɡe ka di he kwa.’

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Luk Aa Chwera Tɔn 22:27

Nɛn waa soɡa o dɔŋ ɛɛ bɔne kwaa ne naate waa dɛ bɔne kwa, ba bini umee ɛ nomoa ɔ? Naate waa soɡa la laa aa? Kɛ n te aa lɔ he bini nɔ, n ɛ n te kɛ maa dɛ di somanjiri.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

1 Kɔrent 2:9

A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

Felepae 1:21

N soɡa nɔ maa soɡa nɔ, Yeesu Kristo waa n so. Dɛ n sewɔ ɡe aa, anee dɔ tɔnɔ tɛ mɛ kwara.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”