Amanesoma Luk Aa Chwera Tɔn 12:33 - mzwDBL

³³ Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 12:33 ပူးပေါင်းရင်းမြစ်များ

Matiu 19:21

Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

We-ɛɛla 2:45

Dɛ ba dɛ yoɡ ba koŋkwaare ne harɛre dɛ kpɔ a suuɡa la dɛɛ bɔne dɔŋa ɡɛ bɛlbwa aa hiah, ásɛ bɛlbwa won yawɛ o konnyina.

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Amanesoma Luk Aa Chwera Tɔn 12:21

Waa Yeesu aa bola dɛ kpɔ teŋe ɡɛ waa la ta laanee kɛ, “Gɛɛ aa ba nɛra baa kwaa kondɔɔh dɛɛ cheɡ ba te harɛ ta bonɔ baa wola kembɔr bɛlbwa dɔe Korowii be la nɛɛ doe.”

Haɡae 1:6

He dɛ du kwaa kohona, kɛ tamaa kenii hɛɛ komɛ, dɛɛ di kwa kɛ haa vaɡɛ. He dɛ nyɔ sen kɛ aa kanɛ dɛ́ dɛɛ heya, dɛɛ tɔ yale kɛ waa ɡarɛ dɛɛ kpo heya. He ɛ toma dɛɛ dɔ suuɡa, kɛ aa heyaa le.”

2 Kɔrent 8:2

Ba na wahala kɛrɛdɛ. A lole kɛ nyaaraa ban kohona, kɛ ba sie aa lɛ Yeesu lɛɛ waa lɛɛ ba la ta kohona nomanta, ba wono ta suuɡa kohona asɛ ba kpɔ cha nɛra.

Amanesoma Jɔn Aa Chwera Tɔn 12:6

Menɛkɛsɛ ŋɔ nyaara waa hiaoh waa o ŋɔ ɡɛ la. Waa ɛ ŋwɛɛ waa o ŋɔ ɡɛ. Dɛ onee dɛɛ kpoŋe ba suuɡa, asɛ dɛ yon ŋwɛ ane dɛɛ di.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Sɛɡla 13:7

Nɛra bane dɛ ɛ ba te kɛ dɔɔhna, kɛ dɛ komɛlbwa toole ba be, bane ɡe ɛ ba te nyaara, kɛ dɛ dɔɔhnaa ban.