Amanesoma Luk Aa Chwera Tɔn 12:18 - mzwDBL

¹⁸ Anee o ŋɔ, ‘Mɛɛ paɡre n dɔndɔŋre nɔɔ dɛ́ ɛa a do kan, ásɛ n mea ne n kwaa bwa dɔ bɔr jo a bini.’

Amanesoma Luk Aa Chwera Tɔn 12:18 ပူးပေါင်းရင်းမြစ်များ

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Matiu 6:26

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa do dɔe, kɛ he Mɛɛ waa lɔ nyundua la dɛ́ tɛa kondikwaa aa di. He ta jumbii nɔ ɡwaalaa?

Amanesoma Luk Aa Chwera Tɔn 12:17

Belaa o so dɛ lii o nyu bini ŋɔ, ‘Ɛrɛɛ mɛɛ ba ɛɛ yɔ? Bela maa chea do la aa kanɛ.’

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

Amanesoma Luk Aa Chwera Tɔn 12:21

Waa Yeesu aa bola dɛ kpɔ teŋe ɡɛ waa la ta laanee kɛ, “Gɛɛ aa ba nɛra baa kwaa kondɔɔh dɛɛ cheɡ ba te harɛ ta bonɔ baa wola kembɔr bɛlbwa dɔe Korowii be la nɛɛ doe.”

Amanesoma Luk Aa Chwera Tɔn 12:24

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa dɛɛ do dɔe. Korowiirii dɛɛ tɛa kondikwa. He ɡwaa jumbii bam!

Amanesoma Luk Aa Chwera Tɔn 18:4

Dɛ kɔɔto nomoa la aa sie do o be, dɛ ɡel a biɡri. A habɔɔ la, o lii o nyu bini ŋɔ, ‘Maa Korowii ɔmɛ, maa nɛn ɡe heeh,

Amanesoma Luk Aa Chwera Tɔn 18:6

Yeesu ŋɔ o habɔteŋra la be ŋɔ, “He no ɡɛ kɔɔto nomonchɔɡe la aa bola aa?

Jems 3:15

Gɛ wejema nɔ ta Korowii doa wejema ɛɛ, a ɛ harɛ ta kwa. Korowii Domadɛɛɡe toole a ta. Bɔnsam liiree.

Jems 4:13

Hé berɛ dɛɛ no. He banɔ la haa dɛ lii he nyuune bini dɛɛ ŋɔ, “Fini kɛɛ tɔpere nɔ tɔpesoo yaa la bwɛɛ nɔ bwɛsoo taa, dɛ́ ka di benanyoa dɛɛ di bona dɛ́ nyin kwa,”

Jems 4:15

Anomanta, a fe chɛ kɛŋɔ he ŋɔ, “Dɛ Korowii sɛoh dɛ tɛ yaa ŋwɛnɛ te naa, tɔɔ perɔ yaa ka ɛ kenii kɛɛ anɔɔ.”