Amanesoma Luk Aa Chwera Tɔn 12:17 - mzwDBL

¹⁷ Belaa o so dɛ lii o nyu bini ŋɔ, ‘Ɛrɛɛ mɛɛ ba ɛɛ yɔ? Bela maa chea do la aa kanɛ.’

Amanesoma Luk Aa Chwera Tɔn 12:17 ပူးပေါင်းရင်းမြစ်များ

Wejereme 11:2

Bɔne he kwaa haa dɔa bini ane tɛ nɛra banuanɛ kɛɛ banuatoro, dɛkalkɛ haa jemɛ saŋ chɔɡa aa ba harɛ la ta.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Matiu 16:7

Ba ta o sɛɡla la mun noɛ, dɛɛ pɛɛ dɔŋa ŋɔ, “Amɔ yaa wola paanoo kpɔe waa wɛɛ bol ɡɛ naa?”

Matiu 5:42

Dɛ nomɛl soŋe komɛl aa, kpɔ tɛo. Dɛ nomɛl ɡe ŋɔ o dɛ nyin komɛl dɛ kemaa, kpɔ kemɔ.

Amanesoma Luk Aa Chwera Tɔn 10:25

Tɔnjereme bɛl balɔ dɛ ba kpɔ wobol kɛ wɛɛ daah Yeesuu dɛ́ jemɛ o liire, dɛ bɔɔro ŋɔ, “Nomoa, ɛrɛɛ mɛɛ ba ɛɛ dɛ́ dɔ Korowii mkpa aa wola jaɡa dɔe bwa nɔ?”

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Luk Aa Chwera Tɔn 12:16

Yeesu sɛɡ ba ŋɔ, “Suuɡa te bɛlee fa lole o koo kondikwaa ɛ taeh.

Amanesoma Luk Aa Chwera Tɔn 12:18

Anee o ŋɔ, ‘Mɛɛ paɡre n dɔndɔŋre nɔɔ dɛ́ ɛa a do kan, ásɛ n mea ne n kwaa bwa dɔ bɔr jo a bini.’

Amanesoma Luk Aa Chwera Tɔn 12:22

Yeesu ŋɔ o habɔteŋra la be ŋɔ, “Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne yale haa tɔ wa.

Amanesoma Luk Aa Chwera Tɔn 12:29

Anomanta, he bɛ ɡel he sie beɡre hɛɛ nyin anɔ la haa di ne anɔ la haa nyɔ.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 16:3

Asɛ bonɔɔ la kaa dɛ ka lii o nyu bini ŋɔ, ‘N dɔɔ dɛ ba men toma ta lee. Ɛrɛɛ mɛɛ ba ɛɛ yɔ? N ɡe aa kpeɡe dɛ parɛ di, asɛ n sie ɡe ɡarɔ ne kwaa soŋa.

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 19:17

Anee nomoa la ŋɔ, ‘Jam, bonɔndɛɛɡe, he ɛ wa! Gɛ haa di kasinteŋ tamaa nɔ ta nɔ, mɛɛ ɡeloo he nyiŋi bwɛɛre fi ta.’

Amanesoma Luk Aa Chwera Tɔn 3:11

Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”

We-ɛɛla 16:30

O laɡ ba le buse dɛ bɔɔ ba ŋɔ, “Nomonome, ɛrɛɛ mɛɛ ba ɛɛ ásɛ Korowii lɛɛ mɛ nɔ?”

We-ɛɛla 2:37

Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.