Amanesoma Luk Aa Chwera Tɔn 11:9 - mzwDBL

⁹ Anomanta, ɡɛɛ a do, hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Amanesoma Luk Aa Chwera Tɔn 11:9 ပူးပေါင်းရင်းမြစ်များ

Yela 118:5

Maa lɔ weweele ta la, n wio no Korowii, asɛ o chaŋ mɛ dɛ lɛɛ mɛ.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 27:8

He fa ŋɔ n be ŋɔ, “Ba dɛ ba tom mɛ,” asɛ n chaŋe ŋɔ, “N Naa Korowii, mɛɛ bao,

Yela 34:10

Lɔr ɛɛ won kpo nyujentena a ɡwɛɡre, kɛ banɔ la baa dɛ no Korowii be la, kondɛɛɡa aa ban paŋɛ.

Yela 34:4

N soŋe Korowii, asɛ o chaŋ mɛ, dɛ lɛɛ mɛ le ɔmewa bɛlbwa ta.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yelsom 5:6

N ya ɡbera ŋɔ n sɛno fee ba jo kɛ o kaalɔ, n ta on nae. N bambile chɔɡ kaala waa kaala wa, asɛ n nyin o bɔr n ta on nae, n yerɔ ɡe o ta chaŋɛ.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Jeremia 29:12

Belaa hɛɛ ba n sɔn yera dɛɛ soŋ mɛ, ásɛ n no he wesoŋa.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Matiu 21:22

Dɛ he kpɔ yarada dɛɛ soŋe Korowii aa, komɛlbwa haa soŋo la, hɛɛ dɔɔ.”

Matiu 21:31

Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,

Matiu 6:29

Kɛ n dɛ ŋɔ he be ŋɔ, Kooro Solomɔn ɡba ne o kondɔɔh bwa, o laala ta wer doe kɛ a ɡɛ kwaa nɔ bwa.

Amanesoma Mak Aa Chwera Tɔn 11:24

Anomanta, kasinteŋ, dɛ he dɛ soŋe Korowii komɛl aa, hé yarada kɛŋɔ he dɔɔ dɔ kon la. Dɛ he wono yarada ɡɛ naa, komɛlbwa haa soŋe la, Korowii ɛɛ tɛ heyaa.

Amanesoma Mak Aa Chwera Tɔn 13:37

Waa nɔ maa dɛ bol he be nɔ, nɛra bwa bee mɛɛ ŋɔ la. Hɛ́ɛ nyiŋu ŋwɛnɛ kɛrɛdɛ!”

Amanesoma Luk Aa Chwera Tɔn 11:10

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Amanesoma Jɔn Aa Chwera Tɔn 14:13

Ásɛ komɛlbwa haa che n sɔn ta dɛ́ soŋe la, mɛɛ ɛo. Anɔ taa aa ba cheɡa ń lɛ jirima tɛ n Mɛɛ Korowii.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

Wepila 2:24

Kɛ he Tiatra tena haa kaa, haa wola wechɔɡa waa baɡla la ta teŋɛ, haa wola Bɔnsam we-ɛɛla baa dɛ yera wesɔɔhla la jemɛ la, maa wekpeɡa ane bɛlbwaa kpɔ dawɛ he nɛ.