Amanesoma Luk Aa Chwera Tɔn 11:41 - mzwDBL

⁴¹ Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Luk Aa Chwera Tɔn 11:41 ပူးပေါင်းရင်းမြစ်များ

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Matiu 26:11

Nyaara te, he ne banee lole tɔperee bwa, kɛ n te aa he bee do ka tonɛ.

Matiu 5:42

Dɛ nomɛl soŋe komɛl aa, kpɔ tɛo. Dɛ nomɛl ɡe ŋɔ o dɛ nyin komɛl dɛ kemaa, kpɔ kemɔ.

Amanesoma Mak Aa Chwera Tɔn 7:19

Aa he bambile bini kaa. He teene binii aa kaa, ásɛ dɛɛ berɛ dahara.” Yeesu aa bol waa nɔ la, o baɡlɔ kɛ kondikwaa bɛlbwa wer. Aa won ɡel nɛn ɛ nɛnchɔɡe.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

We-ɛɛla 10:15

Anee naate berɛ ŋɔ o be nɛɛtena ŋɔ, “Kon Korowii aa laa o doŋa kpɔ o nɛɛ la, bɛ on kondoŋ yerɛ kpa.”

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

Taetos 1:15

He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.