Amanesoma Luk Aa Chwera Tɔn 11:39 - mzwDBL

³⁹ Asɛ Yeesu ŋɔ o be ŋɔ, “He Farisii tena do kɛŋɔ baa loo numoli ne hɛne bwara dɛ ɡel a bini la. Nɛra sie ta waa ɡboo hɛɛ ɛ, kɛ he bambile bini te, wechɔɡa ne kwaa ta sibeɡra ɡboo he bwa.

Amanesoma Luk Aa Chwera Tɔn 11:39 ပူးပေါင်းရင်းမြစ်များ

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

Yela 22:13

Ba hah nyoo kɛŋɔ nyujentena, dɛɛ kɔɡre, dɛ́ toɡri n ola.

Sɛɡla 26:23

Nɛn dɛ bol o dɔŋ bwara wedɛɛɡe kɛ dɛ dɔ o liichɔɡaa, a do kɛŋɔ baa ɛ suuɡapoŋ bɔle vii habɔɔ la.

Sɛɡla 26:25

O wobol la dɛ do som, kɛ bɛ on yarada, liichɔɡa bwa soo siwii lɔ o nyu bini.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Amanesoma Luk Aa Chwera Tɔn 7:13

Yeesu aa na luhaah la, o waa do o sum, asɛ o ŋɔ o be ŋɔ, “Dɛɛ berɛ wii.”

Amanesoma Luk Aa Chwera Tɔn 7:19

Asɛ o yerɛ ba bini banɛ, dɛ tom ba Yeesu be ŋɔ bá ka bɔɔro ŋɔ onee nɛn Korowii aa baɡɛ nyoa ŋɔ wɛɛ ɡeloo o ba la aa, kɛɛ o laa ɔ, ásɛ baa nyiŋi naate habɔɔ?

Amanesoma Jɔn Aa Chwera Tɔn 12:6

Menɛkɛsɛ ŋɔ nyaara waa hiaoh waa o ŋɔ ɡɛ la. Waa ɛ ŋwɛɛ waa o ŋɔ ɡɛ. Dɛ onee dɛɛ kpoŋe ba suuɡa, asɛ dɛ yon ŋwɛ ane dɛɛ di.

Amanesoma Jɔn Aa Chwera Tɔn 13:2

O ne o habɔteŋra aa lɔ tiɡ ta jɔmɔra la, Bɔnsam tɔ sie kpɔ liichɔɡa ba do Seemɔn Eskareɔt bie Judas bini kɛŋɔ ó le Yeesu tɛ.

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

Galaasia 1:14

Dɛ n dɛ teŋɛ ya Juu tena Korowii toma ŋwɛnɛ la ta ɡwaa n nyudɔŋa baa ɛ Juu tena kɛrɛdɛ, dɛɛ teŋɛ ya Juu tena nawee waa ɡe ta ɡwaa nomɛlbwa.

2 Timoti 3:5

Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.

Taetos 1:15

He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.