Amanesoma Luk Aa Chwera Tɔn 11:36 - mzwDBL

³⁶ Dɛ he sie beɡre Korowii waa ta, asɛ he ɡel wetɔŋla ne dachɔɡe bɛlbwa dɛ lɛ Korowii wa aa, ɡɛɛ he sie ɛɛ ba chaahna kɛrɛdɛ Korowii waa la ta, kɛŋɔ baa choŋi kandea asɛ wɛɛ chaah bɔr kohona la.”

Amanesoma Luk Aa Chwera Tɔn 11:36 ပူးပေါင်းရင်းမြစ်များ

Sɛɡla 1:5

Wejerema, hé cheɡ deŋne, dɛ́ no sɛɡla nɔ, dɛ́ dɔ wejema kɛrɛdɛ. Nɛra baa dɛ no waa mun la won ba te lawa, anɔ la aa wera ne anɔ la aa wola were ta,

Sɛɡla 20:27

Korowii hweera waa hweera do nɛn bini la, do kɛ kandea dɛɛ chaah waa aa lɔ ya liire bini.

Sɛɡla 6:23

Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 5:15

Nomɛlbwa aa kandea choŋi dɛ́ kpɔ kon dɛɛ pi o ta. Kɛ ba dɛ choŋu dɛ́ kpɔ chɔŋɛ kon ta, ásɛ o chaah tɛ nɛra baa lɔ dem bela la bwa.

Amanesoma Luk Aa Chwera Tɔn 11:35

Anomanta, hé nyiŋi kɛrɛdɛ ásɛ he sie won chaah waa Korowii aa kpɔa tɛ heyaa la ta, he bɛ biro ta so.

Amanesoma Luk Aa Chwera Tɔn 11:37

Yeesu aa bol waa tonɛ la, Farisii te bɛl yerɔ ŋɔ ó ba di kwaa o dem. Anee o la baa la dem dɛ ka so dɛɛ ba kwaa dii.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

Jems 1:25

Korowii Mmara wer kɛrɛdɛ, o ɡelɔ yaa dɔ ya te, waa yaa vɔrɔwe. Nomɛlbwa waa dɛ no dɛɛ pese o bini, waa wola soh dɛɛ ɛ ɡɛ waa baɡla la, Korowii ɛɛ swee andɛɛɡa tɛ naate o we-ɛɛla bwa ta.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.