Amanesoma Luk Aa Chwera Tɔn 11:34 - mzwDBL

³⁴ Sibie do kɛ kandea dɛ tɛ nɛwɛnyini. He sibie wer aa, he dɛ na bɔr. Dɛ a chɔɡɔ ɡe aa, amɔ dɛ he lɔ biro ta. Gɛɛ a do, dɛ he sie beɡre Korowii waa ta naa, dɛ he wobɛlbwa chaahnɔ. Kɛ dɛ he sie beɡre harɛ nɔ ta kwaa ta naa, he lɔ biro ta.

Amanesoma Luk Aa Chwera Tɔn 11:34 ပူးပေါင်းရင်းမြစ်များ

Mumpar 19:11

Asɛ ba ɡel nɛra baa cheɡɛ baŋ la bwa piɡri nyoŋe, ba ta wone na buse la doonyoa bɔr kpa.

Yela 119:18

Pili n sie, ń won jemɛ he waa aa dɔ kasinteŋ he Mmarare ta la.

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.

Sɛɡla 28:22

Nɛn o siwi aa dɛ beɡre kwaa dɔe ta la, waa saŋ nyae aa ba o nɛɛ la te lii.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 42:19

Umee nyoŋa kohona kɛŋɔ n bonɔɔ nɔ, kɛɛ dɛ taŋ deŋne kɛŋɔ n torome maa tomɔ wɔ? Umee nyoŋa kɛŋɔ onɔ la men Korowii aa leo tɛ n te laɔ?

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 5:20

Hé bwɛɛlɛ, he banɔ la haa dɛ yerɛ wechɔɡa wedɛɛɡa, dɛ berɛ dɛɛ yerɛ wedɛɛɡa wechɔɡa, haa kpɔ biro berɛ bochaah, dɛ kpɔ bochaah berɛ biro. Hé kpɔ koŋkpela berɛ kontora, dɛ kpɔ kontora berɛ koŋkpela.

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Amanesoma Mak Aa Chwera Tɔn 7:22

ne dɔŋa haahna nyina ne kwaa ta sibeɡra, ne musu wa ne nɛra faahra, ne pɛlchɔɡa we-ɛɛla ne kayɛɡlɛ, ne dɔŋa ŋwala ne karamani wa dɛ liire bɛ dɔe, bambile binii a le.

Amanesoma Mak Aa Chwera Tɔn 8:18

He dɔ sibie kɛ haa na naa? He dɔ deŋna ɡe kɛ haa waa no aa? Haa waa lii kɛɛ?

Amanesoma Luk Aa Chwera Tɔn 11:35

Anomanta, hé nyiŋi kɛrɛdɛ ásɛ he sie won chaah waa Korowii aa kpɔa tɛ heyaa la ta, he bɛ biro ta so.

We-ɛɛla 13:11

Dɛɛ no bonɔ. Korowii ɛɛ baɡle o kpeɡri he nɛɛ, ásɛ he nyoŋe, ásɛ a biɡri tama mɔɔ he berɛ won dɛɛ na bɔr.” Kerabeŋkpoŋ dɛ o sie ɛo jumaa kɛŋɔ kɔɔla ken, o den nyoŋe, dɛɛ laɡre bɔr dɛɛ nyin nɛn ó lawɔ da.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Ɛfesos 6:5

He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.