Amanesoma Luk Aa Chwera Tɔn 10:42 - mzwDBL

⁴² Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Amanesoma Luk Aa Chwera Tɔn 10:42 ပူးပေါင်းရင်းမြစ်များ

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:173

Maa dɛ teŋɛ he webaɡla ta nomanta, kpɔ nɔn dɛɛ tɔ n nɛɛ saŋ bɛlbwa.

Yela 119:30

N dɛ nyin kɛ n waa dɔ kasinteŋ, dɛ kpɔ n te dawɛ he waa ta.

Yela 142:5

N Naa Korowii, n wio dɛɛ noe ŋɔ he cha mɛ, henee dɛ waa puu mɛ naa, n chwa baa marɛ harɛ nɔ ta.

Yela 17:15

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 73:25

N Naa Korowii, he ɡboo lɔ nyundua dɛ́ won cha mɛ. He habɔɔ, maa komɛlbwa nyin harɛ nɔ ta.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Amanesoma Mak Aa Chwera Tɔn 8:36

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ?

Amanesoma Luk Aa Chwera Tɔn 10:39

Dɛ Maata dɔ o nime bihaah bɛl baa dɛ yerɔ Mɛɛre. Dɛ ɡɛ Mɛɛre nɔ, dɛ o soɡe Yeesu be dɛɛ no o webaɡla la.

Amanesoma Luk Aa Chwera Tɔn 11:1

Awola bɛl, dɛ Yeesu lɔ bobɛl dɛɛ soŋe Korowii. Waa tona la, o habɔteŋra la bɛl ŋɔ o be ŋɔ, “N Dɔɔ, baɡle yaa ɡɛ yaa soŋe Korowii, ɡɛ Jɔn aa baɡle o habɔteŋra la.”

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 16:2

Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 8:18

Anomanta, hé no kɛrɛdɛ dɛ́ jemɛ waa nɔ mun. Dɛ he wono no a mun aa, mɛɛ ja heyaa anee, dɛkalkɛŋɔ naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.”

Amanesoma Jɔn Aa Chwera Tɔn 11:1

Baa bɛlee fa lole baa yerɔ Lasorɔs. Dɛ o bwara dɛ weo. Bwɛɛ waa lɔ o ta sɔne Bɛtani. Dɛ ɡɛ bwɛɛ nɔ taa Mɛɛre ne o nahaah Maata ɡe do.

Amanesoma Jɔn Aa Chwera Tɔn 11:19

Asɛ Juu tena warɛ dɛ ba Maata ne Mɛɛre be dɛ baa bwɛɛ ba ba nimambie la seo wa.

Amanesoma Jɔn Aa Chwera Tɔn 12:3

Anee Mɛɛre kpɔ nosɔɔhsoma loŋbir a yoɡ aa kpeɡa kohona ba fuɡe ta Yeesu napaala ta, dɛ kpɔ o nyumpona dɛɛ feera. Asɛ dea la bini bwa sɔɔh do som ken.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

1 Kɔrent 13:3

Dɛ n wono kpɔ n komɛlbwa kɛ nyaara ba lɛ di, asɛ n berɛ koh Yeesu waa la waa dɛ sɛh ŋɔ mɛɛ ɡeloo bá kpɔ nii fuuh mɛ, dɛ maa nɛn nyin aa, dɛ a ɛ pɛɛpɛɛ.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Josua 24:22

Anee Josua ŋɔ, “Heyaa he ɡbaɡba danseɛ kɛŋɔ haa le Korowii cheɡ ŋɔ onee hɛ́ɛ ba toma nɔ.” Ba ŋɔ, “Ɔɔh, ya ɛ ya ɡbaɡba danseɛ.”