Amanesoma Luk Aa Chwera Tɔn 10:34 - mzwDBL

³⁴ O choɡ o bone cheɡ, dɛ nyiŋi a bini, dɛ laa noo ne sen ane soo kpɔ dɛ suuh tel o be, dɛ kpɔ noo la ne sen la do o ŋwɛra la ta. O vɔrɔwa, dɛ ɡɔɔro so o konteehne waa soɡe o ta la ta, dɛ kpɔɔ kaa bela dem bɛl hɔɔhra yon dɛɛ choɡ o ta la ta, dɛ ka nyiŋu.

Amanesoma Luk Aa Chwera Tɔn 10:34 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 12:20

He bɛ waa kem dɛɛ bɔ. Hɛ́ɛ ɛ ɡɛ Korowii Tɔn aa ŋɔa hɛ́ɛ ɛ la. “He dɔm chɔ lɔr aa, tɛo kondikwaa ó di. Nyɔɡre dɛ kpoo waa, tɛo nee ó nyɔ. He ɛ ken aa, sihiih dɛ ba o kpoe o baŋa ɡole.”

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

Amanesoma Luk Aa Chwera Tɔn 2:7

asɛ o lolɛ o binyoa, o ɛ bibaa. O kpɔ yal fɔrɔwo dɛ kpɔɔ bil kon jaɡre aa dɛ di kwaa o bini la bini, dɛkalkɛŋɔ dɛ bɔr toole bela hɔɔhra aa dɛ chɔ bwɛɛ la ta la kwara bá chɔ.

Amanesoma Mak Aa Chwera Tɔn 14:8

Anla waa won ɛ laanee o ɛ la. N huɡa laalee o pu sie dɛɛ kpɔ dɛ fuɡe nosɔɔhsoma dɛɛ ta n nɛɛ la.

Kaala 4:24

Baa dɛ kaa la, Korowii baa cheme Mosis Ijipt ŋwɛnɛ ta, bobɛl hɔɔhra tel bela ba yon chɔ la, dɛ fe ɛɛ nyin o kpoe.

Mumpar 42:27

Baa dɛ kaa la, bɔr kaa joo ba ŋwɛnɛ ta asɛ ba chɔ bela, asɛ ba bini bɛl ŋɔ ó pur o bɔɡtɔ dɛ́ tɛ o keeɡo kondikwa, asɛ dɛ na kɛŋɔ baa vɔwɛ suuɡa o pur la nyoa.

Amanesoma Luk Aa Chwera Tɔn 10:33

Dɛ Samaria tena ba ne Juu tena aa wola somɛ la bɛl kpɔ a ɡɛ ŋwɛnɛ la tenten ta dɛ baa kaa, dɛ ba pu baa la, dɛ o chɔ o buɡ ta bela. Waa nao la, dɛ o waa sum o be.

Amanesoma Luk Aa Chwera Tɔn 10:35

Tɔ aa pera la Samaria te la kpɔ suuɡapoŋa anɛ tɛ naate waa dɛ nyiŋi hɔɔhra dem la ta la, dɛ berɛ ŋɔ o be ŋɔ ó nyiŋi weela te la nɛ, dɛ ŋɔ wɛɛ berɔɔ ba ja, ásɛ dɛ ba bɔɔ komɛlbwa waa chɔɡ o nɛɛ la kem.”